Президент «Ана тілі» газетінің ұжымына алғыс білдірді

200

Мемлекет басшысы Қасым-Жомарт Тоқаев  «Қазақ газеттері» ЖШС-не қарасты «Ана тілі» ұлт газетіне алғыс білдірді. Бұл туралы басылымның Бас редакторы Жанарбек Әшімжан фейсбуктегі парақшасында бөлісті.

«Президенттің алғыс хаты! Ұжымдағы әріптестерімнің жанкешті еңбегінің өтеуі! Құтты болсын! Еңбектеріңіз жана берсін!»,-дейді басылымның Бас редакторы Жанарбек Әшімжан.

Президенттің БАҚ саласындағы алғыс хаты «Ана тілі» газетінің шығармашылық ұжымына ұлттық баспасөздің дамуына қосқан елеулі үлесі  берілген.

Республикалық «Ана тілі» газеті тәуелсіздіктің жылымығы есе бастаған 1990 жылы, Ұлыстың ұлы күні наурыздың 22-сінде жарық көрді.«Ана тілі» – Мемлекеттік тілдің бірден-бір жоқшысы, үні айбары. Республикадағы тіл тақырыбында шығатын ресми жалғыз басылым.
«Ана тілі» тек Мемлекеттік тіл ғана емес, ұлтқа қатысты кез келген күрмеулі мәселелерді көтеріп келеді. Қазақтың тілі, қазақтың ауылы, қазақ мектебі, балабақшасы, қазақ жастары, қазақ ғылымы, т.б. көптеген тақырыптар басылым беттерінен түсіп көрген емес.
Таралымы: Ұлт мүддесін бірінші орынға қоятын газеттің 90-жылдардағы таралымы 100 мыңнан асып жығылады. Бүгінгі таңда газеттің 26 000-дай оқырманы бар, төрт түрлі түспен, 12 бет А2 форматпен басылуда. 2018 жылдың шілдеснен қазірге дейін ақын-журналист  Жанарбек Садыханұлы ӘШІМЖАН басқарып келеді.

Басылым басшысын және ұжымын шын жүректен құттықтаймыз! Шығармашылық табысқа жете беріңіздер!

«Қазақ газеттері» ЖШС

 




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *