Well Go USA компаниясы «Томирис» фильмінің ресми трейлерінің америкалық нұсақасын жариялады

272

«Томирис» фильмінің АҚШ аумағында дистрибуция құқығын сатып алған Well Go USA компаниясы тарихи туындының америкалық трейлерін өзінің YouTube-арнасына жүктеді. Бұл туралы «Қазақфильм» киностудиясының баспасөз қызметі хабарлайды.

Кино жаңалықтары туралы ақпарат тарататын танымал www.firstshowing.net сайтында жарияланған рецензияда мақала авторы экшн көріністерге, оқиға желісінің түпнұсқалығы мен басты кейіпкердің шынайылығы мен сомдаған рөліне таңданысын айтып, ағылшын тілді көрермендерге фильмді көруге кеңес береді.

Трейлердің американдық нұсқасына сілтеме: https://youtu.be/G1YFwzswPzI.

Еске салсақ, кинотуынды  біздің заманымызға дейінгі VI ғасырда болған оқиғаны суреттейді. Фильмде кішкентай қыздан айбынды жауынгерге айналған, жақындарынан айрылып, сатқындардан өшін алған және сақ тайпаларын өз билігі астында біріктірген ұлы даланың аты аңызға айналған Томирис патшайымының тағдыры баяндалады.

Фильм ҚР Мәдениет және спорт министрлігінің тапсырысымен «Қазақфильм» киностудиясында Sataifilm компаниясының қатысуымен түсірілген.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *