100 IT-технологиялар саласының мамандары шетелде оқытылады

663

Алдағы үш жылда техникалық мамандық бойынша 3,5 мыңнан астам болашақтықтарды дайындау жоспарланып отыр. Бұл жөнінде Орталық коммуникациялар қызметінде өткен брифингте «Халықаралық бағдарламалар орталығы» АҚ президенті Ғани Нығыметов мәлімдеді.

— Қазіргі уақытта біз Ұлттық кәсіпкерлер палатасымен бірлесіп жаңа жоба бастадық. Оның аясында техникалық мамандықтар бойынша шағын және орта бизнес қызметкерлерін шетелге тағылымдамадан өтуге жібереміз. Одан кейін «Самұрық-Қазына» АҚ-мен бірлесіп 100 IT-технологиялар саласының мамандарын Калифорнияда дайындау бойынша жобаны іске асырғалы жатырмыз. Қазіргі уақытта техникалық мамандық бойынша әлемнің 30 елінде 800-ден астам болашақтықтар білім алуда. Алдағы үш жылда техникалық мамандық бойынша шетелде 3,5 мыңнан астам маман дайындау жоспарланып отыр, — деді ол.

Айта кетейік, 1993 жылдан бастап 2014 жылға дейін әлемнің 33 еліндегі 200 үздік жоғарғы оқу орындарында оқу үшін 10 564 қазақатснадққа «Болашақ» халықаралық стипендиясы тағайындалған.

Бүгінгі күні шетелде 2092 адам оқуда. Олардың ішінде 600стипендиат – бакалавр, 9 адам – маман, 1166 адам – магитр мәртебесін алу үшін, 63 адам – докторантурада, 2 – аспирантурада, 2 адам – интернатурада, 1 адам – ординатурада оқуда. 249 адам тағылымдамадан өтуде.