24220ecca54effa48dbb17c7a7f60b8e_resize_w_520_h_

Азат Махметов Ислам ойындарында алтын олжалады

Қазақ боксшысы Азат Махметов Әзірбайжан елінің астанасы Бакуде өтіп жатқан Ислам ынтымақтастық ойындарында алтын алды. Отандасымыз финалда Марокко елінің боксшысы Абделали Дарааны ұтты.

 52 келіге дейінгі салмақта бақ сынайтын Азат финалда қарсыласынан айқын басы түсті. Төрешілер 4:1 есебімен қазақ боксшысын жеңімпаз таныды. Осылайша Қазақстан құрамасының қоржынына алғашқы алтын медальды салды.

Айта кетейік, осыған дейін бокстан Сұлтан Зауырбек (60 келі), Қуан Қуатов (64 келі) пен Илья Очкин (69 келі) қола жүлдегер атанған еді. Ал алдағы уақытта Тұрсынбай Құлахмет (75 келі) финалдағы жекпе-жегін өткізеді. Ол Рио Олимпиадасында Жәнібек Әлімханұлын жеңген Камран Шахсуварулымен жекпе-жекке шығады.

Дереккөз: vesti.kz




Пікір қалдыру