«Астана» Чемпиондар лигасының келесі айналымына өтті

81

«Астана» командасы Чемпиондар лигасының келесі кезеңіне өтті, — деп хабарлайды Vesti.kz сайтының қазақ бөлімі.

«Астана» командасы польшалық «Легиямен» қарымта кездесуінде 1:0 есебімен ұтылып қалды. Ойын Варшавадағы «Поляк жауынгерлері стадионында» өтті.

Ойынның бірінші таймы есепсіз аяқталды. Ал екінші таймда алаң иелері шабуылдарын үдетті. Осылайша, ойынның 76 минутында хавбек Себастьян Шиманьски допты бұрыштан қорғаушы Якуб Червиньскидің басына дәл шығарып бере алды. 

Ары қарай ойынға бес минут қосылғанымен есеп өзгеріссіз қалды. Ойынның 98 минутында «Астана» қақпашысы Александр Мокин қарсыластардың шабуылын қайтарып, жарақат алып қала жаздады. Дәрігерлер қақпашыға көмек көрсетті, алайда, бұл біраз уақыт алғандықтан ойынның аяқталғанын білдіретін ысқырық 98-ші минутта болды. 

  © vk.com/astanafootballclub

Еске салайық, «Астана» — «Легияның» алғашқы матчінде қазақстандықтар өз алаңында 3:1 есебімен жеңіске жеткен болатын. Осылайша, қазақстандық клуб польшалықтардан жалпы 3:2 есебімен басым түсіп, Чемпиондар лигасының плей-офф раундына өтіп отыр.

«Астананың» Чемпиондар лигасындағы келесі қарсыласы 4 тамызда жеребе арқылы таңдалады.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *