«АрселорМиттал Теміртау» компаниясы: Қаза тапқан кеншілердің отбасына көмек көрсетіледі

219

«АрселорМиттал Теміртау» АҚ компаниясы басшылығы бүгін таң алдында «Қазақстан» шахтасында болған қайғылы жағдайға байланысты түсінік берді, деп хабарлайды Вnews.kz.

Алдын ала мәліметтерге қарағанда жарылыс метан газының кенеттен бөлінуінен орын алған.  Соның салдарынан 3 адам қаза тапты, қалған 132 адам өз күштерімен жер бетіне шықты.  Қазір апат орнында ҚР ІІМ Төтенше жағдайлар комитеті Кәсіби әскерилендірілген апаттық-құтқару қызметінің 49 маманы мен 9 техникасы жұмыс жасауда.

Шахта жұмысы уақытша тоқтатылды. Оның себептерін анықтау мақсатында арнайы комиссия құрылған болатын.

«Компания басшылығы мен қызметкерлері қаза болған кеншілердің отбасы мен туған-туысқандарына қайғыра көңіл айтады. Қаза тапқан кеншілердің отбасына компанияның ұжымдық келісімшартқа сәйкес толық көлемде көмек көрсетіледі. Жерлеу шығындарын толықтай компания төлейді», — деп хабарлады компанияның баспасөз қызметі.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *