Елімізде атом электр станциясының құрылысы басталмақ

202

Қазақстан өз аумағында атом электр станциясының құрылысын бастауды жоспарлап отыр, деп хабарлайды РИА Новости Қазақстанның Ресейдегі елшісі Марат Сыздықовқа сілтеме жасап.

 «Қазақстан атом энергетикасын дамыту жөніндегі жоспарынан бас тартқан жоқ. Атом электр станциясын салу жұмыстары еліміздің ортамерзімді және ұзақмерзімді даму жоспарларына енгізілген», — деді Сыздықов «Россия сегодня» ХАА алаңында өткен баспасөз конференциясында.

Айта кетейік, өткен жылы Қазақстанда өндірілген уран 24 мың тоннаға жуықтады. Қазақстан уранның барлығын экспорттайды. Өйткені елімізде атом электр станциясы жоқ.

Қазақстан уранының 50 проценттен астамын Қытай импорттайды.

Естеріңізге сала кетейік, бұдан бұрын жоспар бойынша Қазақстандағы АЭС құрылысы 2018 жылы басталатыны хабарланған еді. 2014 жылы станцияны салатын орын ретінде Шығыс Қазақстан облысындағы Курчатов қаласы таңдалды.

Baq.kz




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *