«Дохтурларға латин һәрипигә көчүш оңай болиду»

Шәмшидин АЮПОВ, «Уйғур авази»Алмута шәһәрлик 7-клиникилиқ ағриқханиниң коллективи қазақ тилиниң латин елипбәсигә көчүши мәсилисини муһакимә қилди. Баш қошушта мәзкүр ағриқханиниң баш врачи, шәһәрлик мәслиһәтниң депутати Марат Абдуллаев дохтурларға латин йезиғиға көчүш — вақит тәливи екәнлигини һәм һәқиқий ихлас вә үгинишкә дегән интилиш болса, латин елипбәсигә өтүшниң һечқандақ қийинчилиғи йоқлуғини қәйт қилди. Корей этномәдәнийәт мәркизи рәисиниң орунбасари, Қазақстан хәлқи Ассамблеясиниң әзаси, тарих пәнлириниң доктори, профессор Георгий Кан елимиздики ушбу йөнилиштә вә Дөләт рәһбириниң «Келәчәккә нишан: мәнивий йеңилиниш» программилиқ мақалиси бойичә бүгүнки күндә қолға елиниватқан, җүмлидин мәнивий йеңилинишниң асасий һули болуватқан қазақ тилиниң латин һәрипигә көчүш мәсилисигә әтраплиқ тохталди. Шуниңдин кейин новәт билән сөзгә чиққан саламәтлик сақчилири қариливатқан мәсилә әтрапида өз ой-пикирлири билән ортақлашти.

Баш қошушни баш врач Марат Шәдибайулы йәкүнләп, кәсипдашлирини латин һәрипигә көчүш мәсилисидә паалийәтчанлиқ көрситип, униң алға силҗишиға өз һәссилирини қошушқа чақирди.




Добавить комментарий

Ваш e-mail не будет опубликован. Обязательные поля помечены *