Қазақстанда 2018 жылы әлеуметтік төлемдер 16% өседі

214

Қазақстанда 2018 жылдың 1 қаңтарынан бастап 16%-ға дейін өсетін әлеуметтік төлемдер тізіміне асыраушысынан айырылған және еңбекке жарамсыз болып қалған отбасылар кіреді, деп хабарлайды Baq.kz ақпарат агенттігі LS сайтына сілтеме жасап.

 «Әділет» ақпараттық-құқықтық жүйесінде жарияланған қаулыға сәйкес, 2018 жылғы 1 қаңтарға дейін Мемлекеттiк әлеуметтiк сақтандыру қорынан еңбек ету қабілетінен айырылу және асыраушысынан айырылу жағдайларына тағайындалған әлеуметтiк төлемдердiң мөлшерiн 2018 жылғы 1 қаңтардан бастап алатын әлеуметтік төлемдердің мөлшерінен он алты пайызға арттыру жүргізіледі.

Міндетті әлеуметтік сақтандырудың алты түрі бар: еңбек ету қабiлетiнен айырылған жағдай; асыраушысынан айырылған жағдай; жұмысынан айырылған жағдай; жүктілігіне және босануына байланысты табысынан айырылған жағдай; жаңа туған баланы (балаларды) асырап алуына байланысты табысынан айырылған жағдай; бала бір жасқа толғанға дейін оның күтіміне байланысты табысынан айырылған жағдай.

Еңбекке жарамсыз болып қалған жағдайда ай сайынғы әлеуметтік міндетті сақтандырудың көлемі ең аз жалақыдан 80%-ын алып тастау арқылы белгіленеді. Мысалы, бір айлық орташа және ең аз жалақы мөлшері 100 мың теңге болса, қазақстандық 20 мың теңге көлемінде міндетті әлеуметтік көмек алып отырады.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *