Маңызды
Іздеу

Тәсадипи учришиш

70

Рашидәм РӘҺМАНОВА, «Уйғур авази»/ Әмгәкчиқазақ наһийәсигә бирнәччә қетим қәдәм тәшрип қилған Мәҗлис депутати Шаһимәрдан Нурумовниң армини йезидики аддий дехан яки қойчи билән учришиш еди. — Дехан яки қойчиниң депутат билән учришишқа келидиғанға вақти йоқ екәнлигини яхши билимән. Улар мелини яки суғириватқан йерини ташлап кетәлмәйду. Амма улар үчүнму Парламентта көплигән йеңилиқлар, ениғирақ ейтқанда, йеңи қанунлар бар, — дегән еди Шаһимәрдан Үсәйин оғли бир кәлгинидә.
Мону сүрәтни депутатниң Әмгәкчиқазақ наһийәсигә болған мошу қетимқи сәпиридин чүширивалдим. Бу һечбир сценарийсиз, күтүлмигән учришиш болди. Өзини «Тимур» дәп тонуштурған малчи жигитниң «Мәҗлис депутати» дегән сөзни аңлап, хошал болғини чирайидин байқилип туриду. Йеза балиси әмәсму, аддий саддә жигит екән.
«Қаримиғимда 700 қой, 50 қара мал бар» дәп «сайрапла» кәтти у. Шуниң билән биллә Тимур җумһурийитимиздә йүз бериватқан йеңилиқлардин хәвәрдар екән. Президент тәрипидин йезидики тирикчиликни җанландуруш мәхситидә әмәлгә ашурулуватқан ишлардинму толуқ әхбаратқа егә болуп чиқти. Йеза егилигини, җүмлидин чарвичилиқ саһасини тәрәққий әткүзүш, «Ақбулақ» программиси бойичә аһалини ичидиған таза су билән тәминләш. Мошуларниң һәммисидин рази екәнлигини ейтип, Дөләт рәһбири Нурсултан Назарбаевқа миннәтдарлиғини изһар қилди. «Амма әйнә шундақ яхшилиқларниң техи бәзибир йезиларға йетип келәлмәйватқанлиғиға «хәп» дәймән», деди сөһбәтдишимиз ахирида.
Өз новитидә, Шаһимәрдан Үсәйин оғли Тимурни чарвичилиқ саһаси бойичә күчигә киргән қанунлардин вақип қилди. Уму депутатқа өзиниң рәхмитини ейтти. Қизиқ йери, у гәпни у яқ-бу яққа «елип-қечип», өзиниң қайси йезидин екәнлигини демиди. Мүмкин, буниңму өзигә чүшлуқ сәвәви барду. Амма мән униңға мону сүрәтниң гезитқа чиқидиғанлиғини әскәрттим.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *