Мәжіліс төрағасы Чехия елшісін қабылдады

176

Мәжіліс спикері Нұрлан Нығматулин Чех Республикасының Қазақстандағы Төтенше және Өкілетті елшісі Элишка Жигованы қабылдады, деп хабарлайды BNews.kz parlam.kz-ке сілтеме жасап.

Тараптар екіжақты қарым-қатынасты дамытудың өзекті сұрақтарын талқылады.

Н. Нығматулин Елбасы Нұрсұлтан Назарбаевтың таяуда Қазақстан халқына арнаған кезекті Жолдауына айрықша назар аудара келіп, біздің еліміздің әсіресе, инновациялық-технологиялық бағытта әріптестікті нығайтуға деген қызығушылығы зор екеніне тоқталды. Мәжіліс төрағасы атап өткендей, бұл салада Чехия Республикасының заңнамалық базасы мен тәжірибесі жоғары.

Биыл екі ел арасында дипломатиялық қатынастың орнағанына 25 жыл толды. Тараптардың пікірінше осы уақыт ішінде екі ел арасында барлық салада тиімді ықпалдастық орнады.

Кездесу иелері қос мемлекет ынтымақтастығының стратегиялық сипатына мән беріп, парламентаралық ықпалдастықты одан әрі тереңдету жолдарын жан-жақты талқылады.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *