Нұрсұлтан Назарбаев латын әліпбиінде жазып машықтанатынын айтты

ҚР Президенті «Жаңа гуманитарлық білім. Қазақ тіліндегі 100 жаңа оқулық» жобасы бойынша жарық көрген алғашқы 18 оқулықтың тұсаукесер рәсімінде өзінің күнде жаңа әліпбимен жазып машықтанатынын айтты, деп хабарлайды Baq.kz тілшісіне сілтеме жасап Kazgazeta.kz.

 «Ешкімнің ықпалынсыз тәуелсіз ел ретінде, егемен ел ретінде ешкім бізді мәжбүрлемей өз еркімізбен өз әліпбиімізді, жазуымызды таңдадық. Әр елдің тарихында мұндай мәселе есте қалатын үлкен тарихи оқиға болып табылады. Еліміз көш басында болсын, ана тіліміз кеңейе түссін деп осыны жасадық. Қазір әліпбиді бекіттік, ептеп-ептеп енгізуіміз керек. Мен де отырып алып күнде сол әліпбимен Абайдың сөздерін жазамын. Кішкене әр жерлерде ойланып барып жазбасаң қиын емес. Мектепте әліпбиді солай үйрендік қой. Қазақ тіліне бұл әліпбидің еніп кетуі өте тез болады деп санаймын», — деді Нұрсұлтан Назарбаев «100 жауа оқулық» жобасы бойынша қазақ тіліне аударылып, жарық көрген 18 оқулықтың тұсаукесер рәсімінде.



Добавить комментарий

Ваш e-mail не будет опубликован. Обязательные поля помечены *