Астана жастары барша қазақстандықтарды жаңа аймақтың құрылуымен құттықтады

211

Қазақстан Республикасы Дін істері мен азаматтық қоғам министрлігінің Жастар саясаты департаменті «Жастар синергиясы» жастар жазғы лагерінің қатысушылары мен республикалық жастар ұйымдарының көшбасшыларымен бірлесе отырып, отандастарымызды жаңа әкімшілік аймақтың құрылуымен құттықтады.

Іс-шараға Жастар саясаты департаментінің директоры Асхат Оралов, жастар ұйымдарының көшбасшылары мен өкілдері қатысты.

Асхат Ораловтың айтуынша акция қатысушылары «Түркістанға арнау» атымен эстафетаны Қазақстанның барлық аймақтарына және жастар ұйымдарына жолдайды.

Акцияның мақсаты — Шымкент қаласы мен ғасырлар бойы Қазақ хандығының және бүкіл түркі әлемінің саяси әрі рухани орталығы болған Түркістан қаласы әкімшілік орталығымен жаңадан құрылған Түркістан облысының имиджін нығайту болып табылады.

Акция қатысушылары 17 саны және жүрек түрінде сап түзеп, он жетінші аймақтың құрылуымен құттықтады.

2018 жылғы 19 маусымда Елбасы Шымкент қаласы республикалық маңызы бар қалалардың санатына жатқызу және облыстық орталығы – Түркістан қаласымен жаңадан әкімшілік-аумақтық бірлік Түркістан облысын құру бойынша Жарлыққа қол қойғанын естеріңізге саламыз.

Мемлекет басшысы Шымкент біздің елдің ғана емес, бүкіл Орталық Азия өңірінің инвестициялар, технологиялар және интеллектуалды ресурстар тартатын жаңа орталығына айналатынын белгілеп, сондай-ақ оның одан әрі ілгерілеуіне септігін тигізетініне және қаланың алдында жаңа перспективалар ашылатынын атап көрсетті.

Елбасының Шымкент қаласына республикалық мәртебесін беру және Түркістан облысын құру туралы шешімін Қазақстан жастары қуанышпен қабылдады.

ҚР Дін істері мен азаматтық қоғам министрлігінің

Баспасөз қызметі




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *