Елбасы БАҚ саласындағы сыйлықтар мен гранттарды беру туралы Жарлыққа қол қойды

247

ҚР Президентінің БАҚ саласындағы сыйлықтарын беру, гранттарын тапсыру және Алғысын жариялау туралы Жарлығы шықты.

Қазақстан Республикасы Президентінің бұқаралық ақпарат құралдары саласындағы сыйлықтарын беру, гранттарын тапсыру және Алғысын жариялау туралы

Елдің әлеуметтік-экономикалық және қоғамдық-саяси дамуын ақпараттық тұрғыдан қамтамасыз ету ісіндегі бұқаралық ақпарат құралдарының елеулі рөлін ескере отырып, Қазақстан Республикасы Президентінің бұқаралық ақпарат құралдары саласындағы сыйлықтарын беру, гранттарын тапсыру және Алғысын жариялау жөніндегі қоғамдық комиссияның ұсынымын қарай келіп:

Қазақстан Республикасы Президентінің бұқаралық ақпарат құралдары саласындағы сыйлықтары берілсін:

Дорофеев Михаил Викторовичке – «іnformburo.kz» интернет-порталының бас редакторына отандық бұқаралық ақпарат құралдарын және ақпараттық-сараптамалық электронды ресурстарды дамытуға қосқан үлесі үшін;

Танысбай Ләззат Мұратқызына – «Астана» республикалық телеарнасының бас директорына қазақстандық журналистиканы және ұлттық телевидениені дамытуға қосқан елеулі үлесі үшін;

Қазақстан Республикасы Президентінің бұқаралық ақпарат құралдары саласындағы гранттары тапсырылсын:

Әділова Айгүл Нұрханқызына – «Хабар» республикалық телеарнасының сараптамалық бағдарламалар бөлімінің тілшісіне Мемлекет басшысының қызметін жан-жақты әрі сапалы жариялап-көрсеткені үшін;

Жиенәлі Мейіржан Әлібекұлына – «Қазақстан» ұлттық телеарнасы ақпараттық-сараптамалық бағдарламалар дирекциясы директорының орынбасарына отандық телевидениедегі ақпараттық-сараптамалық бағдарламаларды ілгерілету ісінде қол жеткізген кәсіби жетістіктері үшін;

Қазақстан Республикасы Президентінің бұқаралық ақпарат құралдары саласындағы Алғысы жариялансын:

«Алматы» телеарнасының шығармашылық ұжымына отандық телевизиялық журналистиканы дамытуға қосқан үлесі үшін;

«Астана ақшамы» республикалық қоғамдық-саяси газетінің шығармашылық ұжымына Астананың әлеуметтік-экономикалық және мәдени-гуманитарлық дамуындағы маңызды тақырыптар мен негізгі мәселелерді жариялап-көрсетуге қосқан ерекше үлесі үшін;

«Балдырған» республикалық балалар журналының шығармашылық ұжымына еліміздің өскелең ұрпағын тәрбиелеу ісіне және қазақстандық патриотизмді нығайтуға қосқан зор үлесі үшін;

«Өзбекстанның ұлттық телерадиокомпаниясы» шығармашылық ұжымына Қазақстандағы Өзбекстан жылын және түрлі салалардағы Қазақстан-Өзбекстан ынтымақтастығын дамыту мәселелерін жариялап-көрсеткені үшін.

Осы өкім бұқаралық ақпарат құралдарында жариялансын.

Қазақстан Республикасының

Президенті Н.Назарбаев

Астана, Ақорда, 2018 жылғы 25 маусым




Добавить комментарий

Ваш e-mail не будет опубликован. Обязательные поля помечены *