Атырауда«Бабалар ізімен» халықаралық жобасын жүзеге асыру жоспарлануда

605

Аталған бастама Елбасының «Болашаққа бағдар: руxани жаңғыру» мақаласының «Туған жер» бағыты бойынша жүзеге асады.
Патриоттық авто-мотошеру бастамасын «Wheels Brothers MC Atyrau» мотоклубының президенті Олег Шмаль 23 тамыз күні Елбасының Атырау облысына қызметтік іссапары барысындағы кездесу кезінде мәлімдеді.
Жоба мақсаты – тәуелсіз Қазақстанның рухани байлығы, қазіргі заманғы дамуы мен мәдени-этникалық бірлігін насихаттау.
«Біз жаңа Жібек жолының Қытайдан Батыс Еуропаға дейін, Сары теңізден Солтүстік теңізге дейінгі ең ұзақ бағытын қамтуды жоспарлап отырмыз. Жолымыз 12 мың шақырымды құрайды. Әрине, ауқымдылығы қаражатқа байланысты, сондықтан серіктестік пен демеушіліктен бас тартпаймыз. Бұл авто-мотошеру одаққа мүше елдер арасында алғаш рет өткізіледі. Сондықтан, біз қатысушылар жинап, көлікті жабдықтап, біз тыңғылықты дайындалғымыз келеді. Тек, бұл жобамыз келесі жылы жүзеге асады. Нақты уақытын қазір айта алмаймын»- дейді Олег Шмаль. — Қатысушыларға қойылатын талаптарға келетін болсақ, олар: физикалық тұрғыдан күшті болу, экстремалды мототуризмге деген қызығушылық, өз елін сүюі, ол туралы жақсы білуі және толық байланыс үшін кем дегенде бір шет тілін білуі жеткілікті».




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *