Елордада Түркістан облысы тауар өндірушілерінің кезекті жәрмеңкесі өтеді

1769

Қыркүйек айының 22-23 күндері Елордада Түркістан облысының тауар өндірушілері ауыл шаруашылығы өнімдерінің кезекті жәрмеңкесін өткізеді. Бұл жәрмеңке Астана қаласының 20 жылдық мерекесіне орай ұйымдастырылып отыр. Оған арнайы жалпы құны 201 млн. теңгені құрайтын 496 тонна ауыл шаруашылығы өнімдері ұсынылмақ. Атап айтар болсақ, 80 тонна ет өнімдері, 141 тонна көкөніс, 28 тонна сүт және 90 тонна бақша өнімдері, 53 тонна жеміс-жидек, 26 тонна картоп жөнелтіледі. Сондай-ақ, 10 мың дана жұмыртқа және 5 тонна балық, 4 тонна әсел, 10 тонна кептірілген жеміс, 14 тонна түрлі консервілер және 45 тонна басқа да өнімдер бар.

«Отандық өнімдеріміз қала тұрғындары мен қонақтарына жәрмеңке арқылы ұсынылады. Түркістан облысы Астана қаласының 20 жылдық мерекесі аясында осымен 4-ші рет жәрмеңке өткізіп отыр. Осы аралықта Елордаға 14 753 тоннаны құрайтын ауыл шаруашылығы өнімдерінің 28 түрін жөнелтілді. Осы шараны өткізуге өңіріміздің 35 ірі және қосалқы шаруа қожалықтары мен кәсіпорындары атсалысуда», – дейді облыстық ауыл шаруашылығы басқармасы бастығының міндетін уақытша атқарушы Нұрбек Бадырақов.

Түркістан облыстық шаруалар биылғы жылдың өзінде біраз елдерді ауылшаруашылық өнімдерімен қамтамасыз етіп, өзге мемлекеттерге экспорт жөнелтті, яғни, 500 мың тоннаға жуық өнімді Ресей, Беларусь, Латвия, Германия мемлекеттеріне жіберсе, елдің солтүстік аумағына 1 млн. тонна тауар жөнелтілді.

Инвестициялар көлемінің 9,1 млрд.теңгені құрап, артқанының нәтижесінде . 8 айда ауыл шаруашылығы өнімдерінің жалпы шығарылымы 249 056 млн. теңгеге жетіп, өткен жылғы тиісті кезеңімен салыстырғанда 3,6 пайызға артқанын көрсетеді.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *