Бақыт Сұлтанов қала активімен Елбасы Жолдауын талқылады

315

 Астана әкімі Бақыт Сұлтановтың қала активімен бірге ҚР Президентінің Қазақстан халқына «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауын талқылады, — деп хабарлайды елорда әкімдігінің ресми сайты.
Әкімнің айтуынша, қазіргі Жолдаудың маңызы мен құжаттың мазмұны, әзірленген және салыстыра тексерілген бағдарламалық құжаттар — «Қазақстан – 2050» стратегиясы, «Нұрлы жол» және «100 нақты қадам» Ұлт жоспарының логикалық жалғасы бола білді.

«Ел Президенті Нұрсұлтан Назарбаев азаматтардың әлеуметтік жағдайы мен өмір сапасы, қоғам дамуын жақсарту бойынша жасалатын шаралардың ауқымын теңдесі жоқ етіп көрсетті. Әрбір пункт Қазақстанның қарқынды дамуы үшін іргетасы болып қаланды, оның іске асырылуы бізге әлемдегі дамыған 30 елдің қатарына кіруімізге мүмкіндік береді. Мемлекет басшысы айтқан міндет 11 қыркүйекте қала активімен болған кездесуде айтылған мақсаттармен тығыз байланысты. Сондай-ақ қаланы дамытудың жаңа үлгісін енгізу мен жайлы орта жасау үшін инновацияны ілгерілетіп, креативті адамдар санын өсіру», — деді Б. Сұлтанов.
Кездесуде қатысушылар Президенттің жаңа құжатындағы барлық салаға қатысты мәселелерді талқылады. Оның ішінде «7-20-25» ауқымды бағдарламасын іске асыру бойынша баспана мәселесі айтылды, оның аясында Б. Сұлтановтың айтуынша таяу бес жылда 100 мыңнан астам азамат баспанаға қол жеткізе алады.
«Даму» кәсіпкерлерді дамыту қорының астанадағы филиалының директоры іске асырылып жатқан жобалар туралы баяндады. Ал денсаулық сақтау және білім саласындағы қызмет көрсетудің сапасын елордалық мектеп пен бала бақша меңгерушілері айтты.

Астана әкімі Б. Сұлтанов денсаулық сақтау объектілері сияқты мекемелерді қолжетімді түрде қамтамасыз етуді тапсырды және де аулаларды, ішкі кварталдардың территориясын абаттандыруды пысықтады.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *