Standard & Poors «ҚазТрансГаз» АҚ рейтингін арттырды

1881

S&P Global Ratings халықаралық агенттігі «ҚазТрансГаз» АҚ мен оның «негізгі» еншілес компаниясы «Интергаз Орталық Азия» АҚ (ИОА) эмитентінің ұзақ мерзімді кредиттік рейтингін арттырды, деп хабарлайды «ҚазТрансГаз» АҚ баспасөз қызметі.

Бұл бас компания «ҚазМұнайГаз» ҰК АҚ (ҚМГ) рейтингі «ВВ»-ға дейін арттырылуына байланысты қадам. Өзгеріс болжамы — «Тұрақты».

«ҚазМұнайГаз» ҰК АҚ газ- және мұнай құбырлары ұлттық операторлары «ҚазТрансГаз» АҚ-ның (ҚТГ) және «ҚазТрансОйл» АҚ-ның (ҚТО) тікелей меншік иесі болып табылады.

Осы еншілес компаниялар жалпы алғанда топ тәуелді болатын тәуекелдерге тап болатынына қарамастан, бас компанияның кредиттік сапасын жақсарту еншілес компаниялардың рейтингіне қатысты ықтимал қысымды әлсіретті. Нәтижесінде ҚТГ мен ҚТО-ның ұзақ мерзімді корпоративтік рейтингтері тұрақты болжаммен «ВВ-»-дан «ВВ»-ға дейін арттырылды.

S&P Global Ratings халықаралық агенттігі қаржылық стресс жағдайында топ атынан ҚТГ уақтылы әрі экстраординарлық қолдау көрсету ықтималы «шамалы жоғары» деп санайды. Агенттіктің мәлімдеуінше, осындай қолдау, ең алдымен, бас компаниядан емес, тікелей үкіметтен берілетін болады.

2018 жылдың қазан айында ҚТГ және PetroChina International. Ltd. компаниясы алдағы бес жыл ішінде жылына 10 млрд текше м. көлемінде газ сатып алу және сату туралы бірлескен келісімге қол қойғандығын естеріңізге сала кетейік. Газ сату бойынша операциялар ҚТГ топтары үшін тиімді болып табылады; қазіргі уақытта сатып алынатын газдың бағасы ҚТГ үшін, оның ұлттық оператор мәртебесіне байланысты салыстырмалы түрде жоғары емес, сондықтан газды экспорттық сату бойынша компания кемінде 20% деңгейінде EBITDA бойынша табыс табады деп күтілуде.

Газ сатудан түсетін қосымша ақшалай түсімдер, S&P Global Ratings компаниясының пікірінше ҚТГ тобы деңгейінде кредит төлеу қабілеттілігінің тұрақты көрсеткіштерін қолдап қана қоймай, ҚМГ шоғырландырылған тобының EBITDA көрсеткішіне оң әсерін тигізуіне жәрдем көрсетуі тиіс.

Сонымен қатар, S&P Global Ratings компаниясы ҚТГ сауда операциялары көлемінің артуына байланысты ҚМГ тобы үшін компанияның маңыздылығы өсті деп санайды. Қазіргі уақытта рейтингтік агенттік топтың операциялық қызметі және ҚМГ-мен қаржылай тығыз байланысын ескере отырып, ҚТГ-ны «жоғары стратегиялық маңыздылығы» бар ҚМГ еншілес компаниясы ретінде қарайды.

«ҚазТрансГаз» АҚ – газ және газбен жабдықтау саласындағы Қазақстанның ұлттық операторы. «ҚазТрансГаз» АҚ компаниялар тобының құрамына газ өндіруші, тасымалдаушы және өткізуші және оның өнімдерін қайта өңдеуші кәсіпорындар мен ұйымдар кіреді.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *