МАҚТААРАЛДЫҚ ФЕРМЕРЛЕРДІҢ КОНФЕРЕНЦИЯСЫ ӨТТІ

218

Мақтаарал ауданында фермерлер Одағының конференциясы өтті. Бұл туралы Мақтаарал ауданы әкімінің баспасөз қызметі хабарлайды.

Жиынға облыстық фермерлер Одағының төрағасы Жүсіп Шәріпов, облыстық ауыл шаруашылығы басқармасының маманы Жанұзақ Әлжанов, аудандық ауыл шаруашылығы бөлімінің басшысы Өсер Мырзамдамов қатысты. Сондай-ақ, аудандық фермерлер Одағының төрағасы Ыдырыс Стамқұлов мәжіліске төрағалық етті.

Күн тәртібінде аудандық фермерлер Одағының есепті баяндамасы тыңдалды. Сонымен қатар, аудандық фермерлер Одағының кеңес мүшелері мен төрағасын сайлау, ауданға қарасты 2 кент пен 9 ауылдық округтің фермерлер Одағының төрағаларын бекіту мәселелері қаралды.

Жиын барысында желтоқсан айында өтетін Түркістан облыстық фермерлер Одағының конференциясына және «Қазақстан фермерлер Одағы» Республикалық қоғамдық бірлестігінің съезіне қатысатын делегат – фермерлердің кандидатуралары анықталды. Сондай-ақ, аудандық ауыл шаруашылығы бөлімінің басшысы Ө.Мырзамдамов ауыл шаруашылығына берілетін субсидия, аудандағы тұқым шаруашылығының барысы туралы сөз сөйледі.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *