«Медициналық пойыздар» әлеуметтік жобасы кезінде 3000 кіші хирургиялық ота жасалды

1860

Әлеуметтік жоба жұмысы барысында медициналық пойыздар бригадасы алпыс жеті мыңнан астам диагностикалық емшара, үш мың кіші хирургиялық операция жүргізді. Бұл туралы жоба қорытындысы бойынша өткен баспасөз маслихаты кезінде «Samruk-Kazyna Trust» әлеуметтік жобаларды дамыту қорының бас директоры Дияс Әзбергенов мәлімдеді. Бұл туралы «Самұрық-Қазына «ҰӘҚ» АҚ Қоғаммен байланыс және маркетингтік коммуникациялар департаменті хабарлайды. 

Сондай-ақ, ол осы жобаның маңыздылығын атап өтті, себебі оның арқасында шалғайда орналасқан елді мекендерде сапалы медициналық көмек көрсетілгендіктен халықтың өмір сүру деңгейі артып келеді, оның ішінде денсаулықтың жоғары деңгейі жобаның шарттарының бірі болып табылады.

«Жоба қорытындысы бойынша, жұмыс барысында дәрігерлер қырық бірден астам (41 360) адамды тексерді. Сонымен қатар, дәрігерлік қаралулардың жалпы саны жүз тоқсан екі мыңдай (192 195) болды», — деп атап өтті Дияс Азбергенов.

Сонымен қатар, «Денсаулық» пойызы медициналық бригадасының бас дәрігері Арзықұл Кенжеев дәрігерлер өз емделушілерін құтқарған жағдайлардың болғанын да жеткізді. Сонымен, оның айтуынша, туберкулез, жіті жүрек-қан тамырлары аурулары және қатерсіз ісік жағдайлары анықталды.

Айта кеткен жөн, медициналық бригадалардың құрамында терапевттер, тіс дәрігерлері, окулистер, маммологтар және басқа да мамандар бар. Жоба жұмысы барысында кезекпен 10 медициналық бригада іске қосылды.

Жоба аясында 2018 жылы дәрігерлер өңірлерде ең көп таралған 5 ауруды анықтады. Оларға артериялық гипертония, ишемиялық ауру, қант диабеті, созылмалы бронхит және эндемиялық жемсау жатады.

Естеріңізге сала кетейік, «Медициналық пойыздар» жобасын «Samruk-Kazyna Trust» әлеуметтік жобаларды дамыту қоры ҚР Денсаулық сақтау министрлігімен, сондай-ақ «Қазақстан темір жолы» жанындағы «Әлеуметтік жобалар қоры»-мен бірлесе 2010 жылдан бастап жүзеге асырды. Оның жұмысына еліміздің 9 аймағы — Алматы, Түркістан, Қарағанды, Павлодар, Атырау, Маңғыстау, Қостанай, Қызылорда және Шығыс Қазақстан облыстарын қамтитын «Денсаулық» және «Саламатты Қазақстан» екі Денсаулық пойызы тартылды.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *