ҚР Қарулы Күштерінің отставкадағы полковнигі Борис Керімбаев дүниеден озды

498

Ауған соғысының ардагері, «Қара майор» атанған ҚР Қарулы Күштерінің отставкадағы полковнигі Борис Керімбаев 71 жасында дүниеден озды. Бұл ақпаратты Алматы әкімшілігінің жанындағы Ауғанстандағы соғыс ардагерлері және мүгедектері бірлестіктерінің үйлестіруші кеңес төрағасы Мұрат Әбдішүкіров растады, деп хабарлайды kazgazeta.kz Қазақпаратқа сілтеме жасап.

Борис Төкенұлы Керімбаев 1948 жылы 12 қаңтарда Алматы облысының Жамбыл ауданында дүниеге келген.

1970 жылы В. И. Ленин атындағы Ташкент әскери училищесін тәмамдаған.

1980-1983 жылдары Ауған соғысына қатысып, арнайы тапсырмаларды орындайтын мұсылман батальонының командирі болды.

1989 жылы отряд Ауғанстаннан ақырғы болып шықты.

Сауатты басшылықтың арқасында батыр командирдің сарбаздары аз шығынға ұшырап, көбінесе жеңіске жетіп отырған. Пандшер шатқалында моджахедтердің атақты қолбасшысы Ахмад Шах Масудтың әскерімен соғысқан. Оның ерлігі аңызға айналып «Қара майор» деген лақап аты күллі аймаққа жайылған.

1992 жылы денсаулығына байланысты полковник шенімен отставкаға шықты. Борис Керімбаев туралы «Қара майор» фильмі түсірілген.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *