Жол көлік оқиғасын азайтудағы инновация

2166

Жол апатынан дүние жүзінде жылына шамамен бір миллионнан астам әртүрлі жастағы адам қаза табады. Дүниежүзілік денсаулық сақтау ұйымының есебі бойынша,бай елдерге қарағанда, табысы төмен елдерде бұндай жағдай жиі орын алады екен. Елімізде жол көлік оқиғасынан мерт болу немесе жарақат алу жағдайлары автокөлік санының өсуіне байланысты үдеп келеді.

Бас прокуратураның мәлі­метіне сүйенсек, респуб­лика бойынша жол-көлік оқи­­ға­ларының ең көбі, яғни 30 пайызы Ал­­маты қаласында, ал ең азы Солтүстік Қазақстанда тіркелген.

Адам өмірі мен қауіпсіздігі басты орында тұратын демократиялық мемлекетте жол-көлік оқиға­ла­рының алдын алу құ­зыр­лы органдардың ғана емес, жеке азаматтардың да аса назар аударар мәселесі болуы тиіс. Осы мақсатта ғылымда жасалған әрбір жаңа қадам адамзат қауіпсіздігі үшін атқарылған теңдесіз үлес болмақ.

Электрохимия, экология, гидроэлектрометаллургия ғылымдар саласы бойынша әлемнің көптеген елдеріне белгілі өнертапқыш ғалым, химия ғылымдарының докторы, профессор Баешов Әбдуәлі Баешұлы жуырда қарама қарсы келген екі көліктің жарықтарының шағылысуынан болатын жол апаттарының салдарын азайтатын жаңа әдіс ойлап тапты. Ғалымның бұл мәселеге бет бұруына өзінің  түнгі уақытта жол апатына түскен кездегі зардабы әсер етеді. Әбдуәлі Баешұлының жаңа әдісі бойынша, қарсы келе жатқан көліктің сәулесі келесі көліктің иесіне көрінбегендіктен,  кедергі келтірмейді, сол себепті де көлік жүргізушілерге үлкен жылдамдықта кедергісіз жол жүруге септігін тигізетінін айтады.

Толығырақ, бейнематериалда.

 

 

Гауһар Түстікбаева

Бейнематериалды әзірлеген: Әлихан Жанарбек

 




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *