ТҮРКІСТАН ОБЛЫСЫНДА АҚЫЛДЫ ЖАЯУ ЖҮРГІНШІ ЖОЛЫ ПАЙДАЛАНУҒА БЕРІЛДІ

116

«Цифрлық Қазақстан» Мемлекеттік бағдарламасы аясында Сарыағаш қаласын ақылды қалаға айналдыру мақсатында Smart city – Saryagash жобасы әзірленген болатын. Осы жоба аясында бүгінгі таңда республикада алғаш рет Сарыағаш қаласында ақылды жаяу жүргінші жолы жүйесі қосылды, деп хабарлайды аудан әкімінің баспасөз қызметі.

Жобаның ерекшелігі – жүргіншілерді жол бойынан түнгі мезгілде қауіпсіз өткізу. Сандық жүйе жол жиегіне келген жаяу жүргіншіні қауіпсіз жол бойынан өткізу үшін, арнайы сезгіш датчиктері іске қосылып, жол жамылғысы жарықтанады.  

Жергілікті тұрғындардың айтуынша, Сарыағаш қаласында пайдалануға берілген бұл ақылды жаяу жүргінші жолы тұрғындардың жол қауіпсіздігін сақтауда үлкен септігін тигізуде. Елдің қауіпсіздігіне арналған жүйе алдағы уақытта халық көп жүретін маңызды жаяу жүргінші жолдарға орналастыратын болады.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *