Уақыт бір сәт тоқтай тұрсыншы…

2081

Көбіміз барлық әңгіме – ақшада деп ойлаймыз. Адамның статусын оның шотындағы нөлдің санымен өлшейміз. Бұл материялдық түсінік. Дінде жүріп, дінді ұстансаңда солай ойлауға мәжбүрсің. Олай ойламасаң қуғынбай немесе ӘУЛИЕ боласың.

Біз бақыт деген – материялдық жоспарды максимум орындау деп ойлаймыз. Дүниеге ұрпақ әкелу, таудың басына 2 қабатты үй салу, жыл сайын шетелде демалу, әлеуметтік жағынан 100% пайыз қамтылсам деп ойлаймыз.

Енді біреулерге бақыт – көп достарың болса, көңілді отырыстар, алаңсыз сауық сайран деп ойлайды.

Еш қайсысыда дұрыс емес…

Бір досым бар. Жағдайы жақсы. Кәсіпкер жігіт. Мультимиллионер ₸. Моншада, парда әңгімелесіп отырмыз. «Көлігіме сапалы дөңгелек алайын деп едім. Бірақ бағасы қымбат екен. Не істесем болады?», деп сұрады.

— Ұнаса? Ал!
— Бірақ ол сол бағаға тұрмайды ғой…

Айтқым келгені, ақшаң көп болса, бірақ оны игілігіңе тұтына алмасаң. Енді… Керемет үйлесімді, бақытты отбасың бар, бірақ үйге шаршап келгенде оның бақытын сезіне алмағаның секілді ғой. Ақша мен жетістік үшін күні түні басыңды қатырып жұмыс істейсің, бірақ одан көңілің тыныштық таппаса.

Шын мәнінде бақыт ақша емес. Әйелің мен күйеуіңде емес. Қыдыру мен жетістікте де емес!

Бақыт – ұйқыдан тұрған сәтте бәрі жай ғана жақсы, рухани әлеміңде бір тыныштық болса, шіркін!

Отбасыңмен таңғы ас ішіп отырсың, сондай дәмді. Жұмысқа бара жатырсың, тіпті автобуста отырғаныңда өзіңе ұнайды. Осы сезім — бақыт.

Ол — материялдық және рухани қалауыңның тоғысуы.

Әсет Бектұрдың фейсбук парақшасынан




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *