Сенатор Мұхтар Құл-Мұхаммед Нұр-Сұлтан қаласындағы әскери және өрт сөндіру бөлімдерінде болды

770

Парламент Сенаты Халықаралық қатынастар, қорғаныс және қауіпсіздік комитетінің төрағасы                  М.Құл-Мұхаммед Нұр-Сұлтан қаласындағы жаңадан ашылған №4 өрт сөндіру бөлімінде және еліміздің Ұлттық ұланының жедел мақсаттағы бригадасы -№ 5573 әскери бөлімінде болды, деп хабарлайды Парламент Сенатының Баспасөз қызметі.

Сенатор кездесу барысында өрт сөндіру саласының жаңатехникасымен және өрт сөндіру бөлімінің жабдықталуымен танысып, өрт сөндірушілер және құтқарушылармен пікір алмасты. Ішкі істер министрінің орынбасары Ю.В.Ильин елді мекендердің аумақтарын, стратегиялық, аса маңызды мемлекеттік нысандарды және мемлекеттік меншіктегі тіршілікті қамтамасыз ету нысандарын күзету мен өртті сөндіруді қамтамасыз ететін, авариялық-құтқару жұмыстарын жүргізетін өрт қызметінің іс-қимылы туралы хабардар етті. Нысандардың зілзілаға тұрақтылығын күшейту, өрт сөндіру деполарының құрылысы мен жөндеу, күре жолдардағы медициналық-құтқару бекеттерін ұстау, өрт сөндірушілер мен құтқарушылардың еңбекақысының төмендігі туралы өзекті мәселелерді атап өтті.

М. Құл-Мұхаммед өрт қауіпсіздігі, әлеуметтік нысандарды сақтандыру, халықты төтенше жағдай кезінде жедел әрекет етуге үйрету, өнеркәсіп қауіпсіздігі жағдайындағыталаптарды қатайту мәселелерін қозғады.

Комитет төрағасы сондай-ақ5573 әскери бөлімінің жеке құрамымен кездесіп, оның материалдық-техникалық жабдықталуымен, әскери қызметшілердің өмір сүру және тұрмыс жағдайымен танысты, әскери қызметшілердің киім-кешегі мен киім үлгісін көрді.

Ұлттық ұлан Бас қолбасшысының орынбасары С.Нұрахметов № 5573 әскери бөлімі Нұр-Сұлтан қаласындағы қоғамдық қауіпсіздік пен құқық тәртібін қамтамасыз етуге арналғанын атап өтті. Бірыңғай үлгідегі әскери қалашықтың инфрақұрылымы жеке құрамның жауынгерлік әзірлігін жоғары деңгейде ұстауға мүмкіндік береді, техникалық қызмет көрсету және жөндеу пункттерімен жабдықталған автомобиль паркі, спорт кешені, қазіргі заманғы мультимедиялық атыс тирі, оқу қалашықтары мен лазареті бар.

Сенатор Мұхтар Құл-Мұхаммед «Қазақстан Республикасының Ұлттық ұланы туралы» заңды жүзеге асырудың, әскери қызметшілерді әлеуметтік және материалдық-техникалық қамтамасыз етудің өзекті мәселелерін қозғады. Ұлттық ұланның басшылығы Ұлттық ұланның шығыстарын қаржыландыру көлемін тиісінше ұлғайту, әскери қызметшілерге нысанды киім-кешек, қару-жарақ, арнайы құралдар мен қажетті жабдықтарды сатып алуға қосымша қаражат бөлу қажеттігін атап өтті.

 

 

 

 




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *