ЕҚЫҰ Қазақстандағы Жазғы Сыбайлас жемқорлыққа қарсы мектептің басталуын қолдауда

769

Жазғы сыбайлас жемқорлыққа қарсы мектептің бағдарламасы ЕҚЫҰ қолдауымен Нұр-Сұлтандағы пилоттық іс-шарасы 2019 жылы 7 шілдеде басталды.

Бұл іс-шара бір айға созылатын 18 семинар сериясы ішіндегі алғашқысы болып табылады. Ол Қазақстанның Көкшетау, Петропавл, Қостанай, Ақтөбе, Орал, Атырау, Ақтау, Қызылорда, Түркістан, Шымкент, Тараз, Алматы, Талдықорған, Өскемен, Семей, Павлодар және Қарағанды сияқты ірі қалаларын қамтиды.

Қазақстанның астанасында бастама алған семинар Нұр-Сұлтандағы ЕҚЫҰ Бағдарламалар офисі Транспаренси Интернешнл Қазақстан және Сыбайлас жемқорлыққа қарсы агенттікпен бірге ұйымдастырылды.

Азаматтық қоғам, БАҚ, ғылыми орта және мемлекеттік органдардың шамамен 65 өкілі сыбайлас жемқорлыққа қарсы іс-қимылдың тиімді әдістері мен сыбайлас жемқорлыққа қарсы күрестегі халықаралық тәжірибесінің практикалық мысалдарына назар аударды. Олар сондай-ақ Қазақстандағы сыбайлас жемқорлыққа қарсы заңнаманы, ашықтық пен есеп берушілікті қамтамасыз етудегі азаматтық сектордың рөлін және коммерциялық қызметтегі сыбайлас жемқорлыққа қарсы нормативтерді қолдануды талқылады.

Жазғы Сыбайлас жемқорлыққа қарсы күрес мектебі Қазақстанда сыбайлас жемқорлыққа қарсы іс-қимылға бағдарланған тиісті басқаруға қолдау көрсету бойынша Бағдарламалар офисінің көпжылдық жұмысының бір бөлігі болып табылады.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *