Еуропа лигасы. Эсеоланың екі голы «Қайратқа» жеңіс сыйлады

806

«Қайрат» футбол клубы Еуропа лигасындағы бірінші ойында «Широки Бриегтен» басым түсті. Алматылық клуб Боснияда қарсыластарын 2:1 есебімен ұтты.

Іріктеу кезеңіндегі бірінші ойын «Пецара» стадионында өтті. Бірінші болып «Қайрат» командасы гол соқты. 29 минутта капитан Бауыржан Исламханның тамаша пасын шабуылшы Адринсеола Эсеола голға айналдыра білді.

«Широки Бриег» командасы да өз нәтижелерін көп күттірген жоқ. 34 минутта Иван Енин есепті теңестіріп кетті. Команда сапында ойнайтын ресейлік легионердің тепкен добын Стас Покатилов қайтарып үлгермеді.

Эсеола екінші таймда дубль жасады. Елдос Ахметовтің берген пасын ұтымды пайдаланып, қазақстандық командаға жеңіс сыйлаған голды соқты.

Екі команда арасындағы қарымта ойын 18 шілде күні Алматыда өтеді. Елорда уақытымен сағат кешкі 20:30-да басталады.

Айта кетейік, қазақстандық клубтар биылғы еурокубок ойындарын сәтті бастады десек болады. «Астана» өз алаңында Румынияның ЧФР командасын ұтты. «Ордабасы» өз алаңында Грузияның «Торпедо» командасынан басым түсті. Ал «Тобыл» болса бірінші ойында түзде «Женесспен» тең ойнады.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *