АРЫСТА 60 ШАҚЫРЫМ ЖОЛ ТОЛЫҚ ҚАЙТА ЖӨНДЕУДЕН ӨТЕДІ

87

Арыс қаласының жалпы ұзындығы 272,3 шақырымды құрайтын көшеге зерделеу жұмыстары жүргізілді, деп хабарлайды Түркістан облысы әкімінің баспасөз қызметі.

Нәтижесінде, 17 сектордың 13-де төтенше жағдайлар салдарынан қала ішіндегі 67 көшенің жамылғысында ақаулар орын алғандығы анықталған. Қала көшелеріндегі ақауларды жою бойынша атқарылатын іс-шаралар аясында жалпы ұзындығы 60 шақырымға жуық 67 көшені заманауи талаптарға  сәйкестендіру мақсатында, келесідей жұмыстар атқарылатын болады: 46,7 шақырым аяқ жол; 68,6 шақырым жолға 2 234 дана жарық шамдарын орнату; 7 шақырым велосипед жолы; 41 м3 суағар; жалпы аумағы 9 522 м2 көшенің жиектерін жөндеу.

Жөндеу жұмыстарын жүргізу жоспарланған 13 аймақ бойынша 67 көшенің бүгінгі таңда 40 көшесінде жұмыстар жүргізілуде. Қалпына келтіру жұмыстарына 60-қа жуық арнайы техникалар мен 110-нан аса жұмысшы тартылған. 

Арыс қаласының көшелерін қалпына келтіру бойынша ағымдағы жылдың 3 тамыз күнгі жағдай бойынша келесідей жұмыстар атқарылуда: 4 көшеде асфальт салу жұмыстары аяқталды; 19 көшеде жолдың негізіне құмды-шағал тас төсеу жұмыстары жүргізілуде; 15 көшеде аяқжол салу жұмыстары жүруде; 2 көшеде жарықтандыру бағаналарын орнататын ұңғымалар қазылып, бетон құю жұмыстары жүргізіліп жатыр. Жалпы жөндеу жұмыстарын ағымдағы жылдың тамыз айында толық аяқтау жоспарланған.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *