2020 жылдың соңына дейін Атырауда 100-ден астам аялдама орнатылады

85

Аялдамалардың көпшілігі кеңейту мен қайта жөндеу жұмыстары жүргізіліп жатқан көшелерге орнатылатын болады, — деп хабарлайды kazgazeta.kz Атырау қаласы əкімдігінің баспасөз қызметіне сілтеме жасап.
Қалалық ТКШ бөлімі мамандарының айтуынша, ең алдымен реконструкциялық жөндеуден өтетін Бейбарыс даңғылы және Құрманғазы, Ғұмаров, С.Датов, Ғабдиев, Амандосов, Уалиханов, Гагарин, Әуезов, Маденов көшелері мен Азаттық даңғылының бойына орнатылады. Сондай-ақ, қалаішілік маңызы зор Әбілхайыр хан,Сатпаев және Махамбет көшелеріне жəне ауылдық округтерге орнатылады.

-Ашық жəне жабық күйде болатын 112 аялдама орнатуды жоспарлап отырмыз. Оның 32-нің ұзындықтары əртүрлі болады. Аялдамалар Белорусь елінде жасалған. Кез-келген ауа-райына шыдамды, сапалы болып келеді. Жолаушылар үшін, салқындатқыш және жылытқыш қондырғылары орнатылған. Ал, қас қарайғанда жарық беріп, көшенің сәнін де келтіреді, — дейді қалалық ТКШ бөлімінің бас маманы Алмаз Сәрсенов.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *