Онкологиялық ауруларды диагностикалау мен емдеудің озық инновациялық технологиялары талқыланды

256

17-18 қазанда Нұр-Сұлтан қаласында ҚР онкологтары мен радиологтарының VII съезі өтті, деп хабарлады Қазақ онкология және радиология ғылыми-зерттеу институты АҚ баспасөз қызметі .

Іс-шараның ұйымдастырушысы Онкологтар қауымдастығының және ҚР Денсаулық сақтау министрлігінің қолдауымен Қазақ онкология және радиология ғылыми-зерттеу институты болып табылады. Съезд Қазақстан елордасында өткен Дүниежүзілік онкологиядағы лидерлер саммитінің (WCLS-2019) жалғасы.

Съезд жұмысына Қазақстан, Орталық Азия, ТМД және алыс шетелдерден 500-ден астам делегат, онкология, гематология және денсаулық сақтау ұйымдары саласындағы жетекші әлемдік сарапшылар қатысты. Іс-шара барысында съезд қатысушылары қатерлі ісіктердің алдын алу және ерте диагностикалау, скринингтік бағдарламаларды іске асыру және перспективасы, хирургия, радиология, ядролық медицина, иммуноонкология, гематология, паллиативтік көмек, пациенттерді психологиялық қолдау және мамандар дайындау, онкологиялық көмекті ұйымдастыру мәселелерін талқылады.

Съезд қатысушылары онкологиялық ауруларды диагностикалау мен емдеудегі инновациялық жетістіктерге ерекше назар аударды. Соңғы жылдары бұл бағытта әрбір пациенттің жеке генетикалық ерекшеліктерін ескеретін, терапияның сапасын арттыруға және денсаулық сақтау жүйесіндегі шығындарды оңтайландыруға мүмкіндік беретін дербестендірілген терапия стратегиясын әзірлеуге баса назар аударылады. Дүниежүзілік денсаулық сақтау ұйымының (ДДҰ) деректеріне сәйкес, дәстүрлі тәсіл кезінде денсаулық сақтаудағы барлық шығындардың 20-40% қайтарымсыз шығындарға жатады, яғни емделуге жіберілетін қаржы емделушілерге пайда әкелмейді. Бұл мәселе онкология саласы үшін де өзекті. Сарапшылардың бағалауы бойынша, классикалық химиотерапия пациенттердің тек 23%-ы ғана көмектеседі. Дербестендірілген медицина арқасында әрбір пациент оған қолайлы емді қажетті уақытта алып, емдеу нәтижелерін өзгертеді. Ол емделушілерге ұзақ және сапалы өмір сүруге көмектеседі.

Әлемдік тәжірибеде диагностиканың инновациялық әдісі — кешенді геномдық профилдеу (КГП) кеңінен қолданылады. Кешенді геномдық профильдеу келесі буынды секвенирлеу әдісімен жүзеге асырылады (NGS). Бұл инновациялық әдіс кейіннен дәл терапияны таңдау үшін пациент ісігінің молекулярлық-генетикалық бейнесін анықтауға мүмкіндік береді. Зерттеу деректеріне сәйкес, екі бірдей генетикалық профиль болмайды, яғни генетикалық деректер негізінде әрбір пациент үшін қандай терапия неғұрлым тиімді болатынын болжауға болады.

Кешенді геномдық профильдеуді жүргізу үшін ісіктің бір үлгісінде барлық клиникалық маңызы бар гендердегі молекулалық-генетикалық өзгерістерді талдайтын тест әзірленді. Осы әдістің сезімталдығы мен ерекшелігі 95% асады. Барлық генетикалық өзгерістерді және препараттарға резистенттіліктің даму қаупін ескере отырып, әрбір нақты пациенттің ісігін талдау, белгілі бір мутацияларды анықтау ісікке қарсы терапияны тиімді таңдауға және жүргізуге мүмкіндік береді. Нәтижесінде емдеу нәтижелері оң болады деген мүмкіндік айтарлықтай артады. Жалған оң және жалған теріс нәтиже алу қаупі азаяды, ал бұл өз кезегінде тиімсіз тағайындалған препараттардың санын азайтуға септігін тигізеді.

«Көптеген пациенттер үшін диагностиканың дәстүрлі әдістерін қолданғанда алынған жалған теріс нәтижелер таргеттік терапияны қолданудың жіберіп алынған мүмкіндігіне айналады, ол жауап беру жиілігі, прогрессіз өмір сүру, өмір сүру сапасы, жалпы өмір сүру сияқты клиникалық нәтижелерді жақсарта алады. КГП онкологиялық ауруларды емдеуге бағытталған қаражатты пайдалануды оңтайландыруға мүмкіндік береді, біріншіден, барлық ықтимал мутацияларды анықтау үшін кешенді бір реттік диагностика жүргізу есебінен, екіншіден, тиісті диагностикасыз таңдалған тиімсіз терапия шығындарын қысқарту есебінен», — деп атап өтті Сорбонна университеті Онкологиялық орталығының атқарушы директоры, профессор Джозеф Глигоров.

КГП әдісі әлемнің 50-ден астам елінде, оның ішінде АҚШ-та, Израильде, Германияда, Жапонияда, Ұлыбританияда қолданылады. Ғалымдар кешенді геномдық тестілеуді Денсаулық сақтау жүйесінің құрал-жабдықтарына дербестендірілген терапияны дамытудың маңызды құралдарының бірі ретінде қосу қажеттігі туралы айтады. Бұл бағыттағы қадамдарды Қазақстанды қоса алғанда, көптеген елдер қолға алуда.

Қазақ Онкология және Радиология Ғылыми-Зерттеу институты Қазақстанда алғаш рет АҚШ және Германияның сыртқы зертханаларымен бірлесіп жүргізілетін қатерлі ісіктерді Кешенді Геномдық Профильдеу — онкологиядағы диагностиканың инновациялық әдісін енгізді. Онкология ҚР денсаулық сақтау саласын дамытудың басым бағыты болып табылады. Онкологиялық қызметтің алдына онкологиялық аурулардан болатын өлім-жітімді азайтуға бағытталған бірқатар міндеттер қойылды.

Қазақ онкология және радиология ғылыми-зерттеу институты АҚ стратегиялық даму департаментінің директоры Шатковская Оксана Владимирқызы атап өтті: «Қазіргі уақытта Қазақстан Республикасында онкологиялық аурулармен күресудің 2018-2020 жылдарға арналған Кешенді жоспары жүзеге асырылуда, оның негізгі мақсаты қатерлі ісіктердің ауыртпалығын төмендету болып табылады. Осы бағдарламаны іске асыру шеңберінде өңірлерде бүкіл әлемдегі онкологиялық науқастарды тексерудің ажырамас бөлігі болып табылатын негізгі орналасқан ісіктердің (өкпе обыры, меланома, колоректальды обыр) молекулярлық–генетикалық тестілеуіне негізделген онкологиялық ауруларды дербес диагностикалаудың қазіргі заманғы әдістері енгізілуде. Әрбір нақты пациенттің ісігін талдау, белгілі мутацияларды анықтау (EGFR, BRAF, ALK және т.б.) ісікке қарсы терапияны тиімді жүргізуге мүмкіндік береді.

Кешенді геномдық профильдеуді қолдану диагностиканы (тесттердің сезімталдығы мен ерекшелігі >95%) барынша дәл жүргізуге, ісіктегі молекулалық-генетикалық өзгерістерді (320 геннен астам) анықтауға және барлық генетикалық өзгерістер мен резистенттіктің даму қаупін ескере отырып, әрбір нақты жағдайда тиімді таргеттік терапияны дербестендірілген іріктеуді жүзеге асыруға мүмкіндік береді.

 




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *