Алматыда Шәмші Қалдаяқовтың ескерткіші ашылды

129

Алматыда Қазақстанның халық әртісі, композитор Шәмші Қалдаяқовтың ескерткіші ашылды.

 Ескерткіштің салтанатты ашылу рәсіміне қала әкімі Бақытжан Сағынтаев, композитордың жары Жәмилә Қалдаяқова, әнші Нұрғали Нүсіпжанов пен Роза Рымбаева, ақын Мұхтар Шаханов қатысты.

«Шәмші ағамыз өзінің әндерін жастарға да, жастардың махаббатына да, думанға да, ел абыройын асқақтататын тұстарына да бағыштаған. Ол әндерімен әр шаңырақты тербетіп қойған жоқ. Бүкіл қазақ жерін тербетті. Ел тәуелсіздік алған соң халық әртісі атағын алды.  Ал бірақ халқы оның атағын одан әлдеқайда бұрын берген. «Қазақ вальсінің королі» деген. Оған жететін атақ жоқ. Бұл – елдің, халықтың сүйспеншілігі», — деді Бақытжан Сағынтаев.

Ескерткіш Республика сарайының жанындағы саябаққа қойылды, биіктігі — 1,5 метр, ұзындығы — 2,8 метр.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *