BAFTA 2019 жылдың үздік фильмін атады

634

Ұлыбританияның кино және телеөнер академиясыі (BAFTA) режиссер Сэм Мендостың «1917» драмалық картинасын әлемдегі үздік фильм деп атап, марапаттау рәсімінде жеті номинация бойынша жеңімпаз деп таныды.

«1917» әскери драма тоғыз номинация бойынша ұсынылып, жетеуінде жеңіске жетті, оның ішінде мынадай номинациялар бар: сапалы дыбыс, визуал әсері, оператор жұмысы, қоюшы-суретшінің шеберлігі және режиссер. Ол «Үздік ұлыбританиялық фильм» болып танылды.

Басты марапат үшін тағы үш фильм таласқа түскен еді — Мартин Скорсезенің «Ирландец» , Квентин Тарантиноның «Однажды в… Голливуде» және Тод Филлипстің «Джокері» .

«1917» кинокартинасы Бірінші дүниежүзілік соғыс кезіндегі екі сарбаздың тағдыры жайында баяндайды. Оларға қауіпті миссия жүктеледі. Басты рөлдерде Дин-Чарльз Чепмен, Джордж Маккэй, Дэниел Мейс, Колин Ферт және Бенедикт Камбербэтч ойнайды.

Рене Зеллвегер «Джуди» биографиялық драмасындағы басты рөлі үшін «Үздік актриса» номинациясы бойынша жеңімпаз атанды.

Ал «Үздік актер» номинациясы «Джокер» фильмінің басты рөлінде ойнаған Хоакин Феникске бұйырды.

Екінші пландағы үздік актер — Брэд Питт («Однажды в… Голливуде»). Ол марапаттау рәсіміне қатыспады, оның орнына сыйлықты әріптесі Марго Робби алды.

Екінші пландағы үздік актриса — Лора Дерн («Брачная история»). Ағылшын тілінде түсірілген үздік фильм номинациясын оңтүстіккореялық режиссер Пон Чжун Хоның «Паразиты» картинасы жеңіп алды. Сондай-ақ, ол «Үздік сценарий» номинациясында жеңді.

2019 жылы үздік толықметраж мультфильм — «Клаус» лентасына бұйырды.

Ұлыбританиялық BAFTA кинотелеакадемиясының сыйлығы 1948 жылдан бастап Лондонда беріліп келеді.

tengrinews.kz

 




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *