Қасым-Жомарт Тоқаев: Волонтерлер санын 100 мыңға дейін жеткізуге болады

318

Қазақстан Президенті Қасым-Жомарт Тоқаев еліміздегі волонтерлердің санын 100 мыңға дейін жеткізу керектігін айтты. Бұл туралы Қазақпарат хабарлады.

– Бүгін де дүниежүзінде волонтерлік қызметтің ауқымы өсіп, әлемдік қозғалысқа айналды. Қазірдің өзінде жер бетінде 1 миллиардқа жуық волонтер бар. Бізде 16 мың – аз. 100 мыңға дейінгі деңгейге көтеруге болады. Олардың жаһандық дамуға тигізер үлесі зор. Әлемнің жалпы ішкі өнімнің 2,5 пайызы – еріктілер еңбегінің нәтижесі. Көптеген елде ерікті болу – қалыпты жағдай, үлкен құрмет саналады. Жұртшылық оларды сыйлайды», — деді Мемлекет басшысы елордадағы Birgemiz» республикалық фронт-кеңсесінің ашылу салтанатында. Қасым-Жомарт Тоқаев мәселен халқының жартысы волонтер болып отырған Франция елін мысалға келтірді. Оның айтуынша, Германия мен Жапонияда да еріктілердің саны жылдан жылға көбейіп келеді. «Бізге осындай деңгейге ұмтылуымыз керек. Азаматтарымыз өзгеге құрмет көрсетуде аянып қалмауы тиіс. Сол арқылы қоғамға әлеуметтік жауапкершілікті арттырамыз. Волонтерлік – патриотизмнің бір бөлігі. Еріктілер ең алдымен ел игілігіне қызмет етеді», — деді ол.

Айта кетсек, елордада Президент Қасым-Жомарт Тоқаев елордада ЭКСПО көрмесінің «Art Hub» павильонында орналасқан волонтерлердің «Birgemiz» республикалық фронт-кеңсесінің ашылу салтанатына қатысуда.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *