Текелінің әкімі «қауіпсіз қала» үшін тұрғындарға сыйақы тағайындады

712

«Текелі-нөлдік төзімділік қаласы!

«Құрметті текеліліктер, қаламызды таза, қауіпсіз қала жасаймыз» деген ойларыңыз болса, сіздерді осы бағытта атсалысуға шақырамын! Ол үшін қалада, қоғамдық жерлерде, көшеде, аулада, подьезде жасалып жатқан кезкелген құқықбұзықшылыққа немкұрайлы қарамай, оларды фото мен видеоға түсіріп әкімшілік пен полицияның сайтына жіберуді сұраймын».  Бұл туралы Текелі қаласының әкімі Бахтияр Өнербаев  өзінің фейсбук парақшасында хабарлады.

Олар төмендегілер болуы мүмкін:

-Қоқысты кезкелген жерге тастағандар;

-балконда тұрып темекі қалдығын лақтыратындар;

-қоғамдық жердегі маскүнемдер;

-қала мүлкін талқандаушылар;

-жол ережесін бұзушылар;

-қоғамдық жерде карта ойнаушылар;

-аулада көлігін қалай болса солай тастап, газондар мен бордюрлерді басатын көлік жүргізушілер;

-көлігінің терезесінен темекі қалдықтарын, қағаз, бөтелке, пластик тастайтын жүргізушілер;

-маскүнем жүргізушілер;

-контрофакті тауарларды сатушы дүкендер;

-сатылмайтын уақытта арақ-шарап сататын дүкендер;

-кәмілетке толмаған жастарға арақ-шарап, темекі сататын дүкендер;

-табиғатты қорлайтындар;

-жасыл-желек пен гүлзарларды тақандайтындар;

-қоғамдық тәртіпті бұзушылар;

-түнгі уақытта тыныштықты бұзушылар, тағы басқа сол сияқты кезкелген құқық бұзушылықты фото-видеоға түсіріп, жіберген қала жанашырларына сыйақы тағайындаймын! Қапы қалмаңыздар!

Бахтияр Өнербаевтың фейсбук парақшасынан




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *