Мақалалар

image-1

Жаңа жыл мерекесімен құттықтаймын!

2017-1024x725

01-71

Қазақстан Республикасы Тәуелсіздігінің 25 жылдық мерейтойы құтты болсын!

02-18-1024x492

Jumabek-Kenzhalin-735x400

БАСПАСӨЗДІ ҚОЛДАУ — ЕЛДІК МҰРАТҚА ҚЫЗМЕТ ЕТУ

«Қазақ газеттері» жауапкершілігі шектеулі серіктестігінің бас директоры — Редакторлар кеңесінің төрағасы, жазушы-журналист Жұмабек Кенжалин облыс әкімдігінде өткен кездесуде бұқаралық ақпарат құралдары, оның ішінде мерзімді басылымдардың бүгінгі қоғамдағы рөлі, таралымы, насихатталуы турасында әңгімеледі.

Ол өзі басшылық ететін «Қазақ газеттері» серіктестігінің жұмысы, оған топтасқан мерзімді басылымдардың негізгі бағыттары, алдағы жұмыс жоспарлары мен қолға алынған жобалардың мақсат-міндеттері турасында да кеңінен түсіндіріп өтті.

— Дәл қазіргі жағдайда баспасөзді қолдау — ол елдік мұратқа қызмет ету деген сөз. Өйткені баспасөз қашаннан оқырманның жансерігі болып келе жатқаны ақиқат. Ақтөбелік оқырмандар үшін, жалпы батыс аймағы бойынша «Ана тілі» газеті Ақтөбе қаласындағы баспаханадан басылады. Ақтөбе — Батыс өлкесінің орталығы, астанасы іспетті. Сондықтан осы жерден біз газетті шығарып, еліміздің батысындағы 4 облысқа таратамыз. Бүгінде ұлт басылымының әр санында жазылатын тақырып та, көтеріп отырған мәселесі де көп. Әсіресе, Ақтөбе облысының төл проблемаларын біз ұдайы газет бетінде жариялап отырамыз. Газеттің алдағы санында Ақтөбеге қатысты жарияланатын проблемалық жобалар да бар. Сондай-ақ, «Қазақ газеттеріне» қарасты «Экономика», «Ұйғыр авази» газеттері мен «Ақиқат», «Мысль», «Үркер» журналдары да ақтөбеліктердің сүйіп оқитын басылымдарына айналуына мүдделіміз. Біз осы бағыттағы жұмысымызды ширата түсуге тиіспіз, — деді Ж.Кенжалин.

023A

Кездесу барысында ол «Қазақ газеттері» ЖШС-ның Ақтөбе облысы бойынша өкілі, белгілі журналист Жанғабыл Қабақбаевтың омырауына «Қазақстан Республикасы ақпарат саласының үздігі» төсбелгісін тақты. Сонымен қатар, облыста газеттер мен журналдардың насихатына үлес қосып жүрген бір топ ақтөбелікке алғысын білдіріп, арнайы дипломдарды табыс етті. Елімізде мемлекеттік тілдің дамуына, ұлтаралық келісімнің нығаюына, мәдениетіміз бен әдебиетіміздің өсіп, өркендеуіне ұлтжанды азамат ретінде қолдау көрсетіп, бұқаралық ақпарат құралдарымен тығыз байланыста болып, оқырмандар санын көбейтуге қосқан үлесі үшін марапатталғандардың қатарында Ақтөбе қаласы әкімінің орынбасары Мадьяр Қабыл, облыстық денсаулық сақтау басқармасының бас маманы, халықаралық «Қазақ тілі» қоғамы облыстық ұйымы төралқасының мүшесі Роман Рахиев, облыстық тілдерді дамыту басқармасының бас маманы Бақтыгүл Әбиева, «Қазпошта» АҚ облыстық филиалының мерзімді басылымдарға жаздыру және тарату бөлімінің басшысы Сағира Шалабаева, сондай-ақ Алға, Мұғалжар, Ойыл, Хромтау секілді бірқатар аудандардың басшылары мен өкілдері бар.

Кездесу соңында Жұмабек Кенжалин  алдағы уақытта осы өңірде баспасөзге жазылушылар фестивалін өткізу турасында ойларын ортаға салды.

Кездесу барысында сөз алған Ж.Қабақбаев бүгінде Алматы мен Астана қалалары, еліміздің өзге аймақтарымен салыстырғанда «Ана тілі» газетінің ақтөбелік оқырмандары саны жағынан көптігімен осымен алтыншы жыл алда тұрғанын айтты.Jumabek Kenzhalin-1

Арайлым НҰРБАЕВА,

Ақтөбе облысы.  

JUmabek-Kenjalin-01

ЖАНСЕРІК

Үстіміздегі жылдың қыркүйек айында қабырғалы істерге тұтқа болуға ұмтылған қазақ халқының мерейі бір асқақтады! Оның айбынын асырып, айдарынан жел естірген Біріккен Ұлттар Ұйымының сессиясы. Ғаламның сарабдал саясаткерлері бас түйістіріп, төрткүл дүниенің толғаулы мәселелері талқыға түсетін ең мәртебелі мінберінен Қазақ тілі тұңғыш рет жер шарын шарлап кетті.  Оны мұндай дәрежеге жеткізіп, жаһанның жанарын БҰҰ-ның 70-ші сессиясына аудартқан Қазақ Елінің асыл перзенті, оның Тұңғыш Президенті Нұрсұлтан Әбішұлы Назарбаев! Бұл – бұрын-соңды Қазақ Елі тарихында болмаған жағдаят. Осы туралы Елбасының өзі былай дейді: «Біздің тіліміз дүниежүзіне естілсін, құлақтарына сіңсін деп ойладым. Әрі қарай жылжыта береміз. Мен әдейі солай жасадым. Сондықтан мен айтқаннан кейін менен кейінгі біздің басшылар солай сөйлейді деп сенемін!»

Елбасымыздың осынау сөзі ел ішіндегі ахуалға қандай түрткі салмақ, жиырма төрт жыл бойы­на не бітірдік деген сауалға жетелейді. Қазақстан Республикасы Конституция­сының 7-бабы «Мемлекеттік тіл – қазақ тілі» деп айқындап берсе, «Тіл туралы» Заң мен «Тілдерді дамытудың 2011-2020 жылдарға арналған мемлекеттік бағдарламасында» сол тіліміздің өр­кенін өсіретін құралдардың бірі ретінде мерзімді баспасөздің атқа­ратын рөліне айрықша көңіл бөлінген.
Олай болса, еліміздегі бүгінгі баспасөздің ахуалына, оның келешегіне қатысты пікірді ортаға салсақ деген ой келеді. Өйткені, мұның өзі дәл қазір мерзімдік басылымдарға жазылу науқаны кезінде айтылуы да, жазылуы да ауадай қажет болып тұр!
Еліміз өткен ғасырдың сонау 90-шы жылдары Егемендік алған кездері соған ең бірінші болып алақайлап қуанған да, бүкіл әлемге жар салған да менің әріптестерім еді. Сол бір аумалы-төкпелі кезеңдерде мемлекетшілдік сананы орнықтыруға, Қазақ Елінің өткен тарихын таразылауға, еліміздегі халықтар арасындағы ынтымақтастықты, ауызбірлікті нығайтуға бірден-бір үлес қосқан да ұлт басылымдары болатын!
Қоламтаны түрткілеген әлдекімдер­дің шылауында кетпей сабырлы да, салиқалы саясаттың қолдаушысы, қор­ғаушысы да ана тіліміздегі газеттер мен журналдар болды. Бұл – ақиқат. Ал ақиқаттан айналып өте алмайсың.
Сол жылдары Егемендік, Тәуелсіздік деген қадірлі, қастерлі ұғымдардыың мән-мағынасына қасақана бойламай, оны «өзінше» түсініп, «өзінше» кесіп-пішіп, сыныққа сылтау іздеп байбалам салған газеттердің де шығып тұрғаны мәлім. Еркіндік дегенің аузыңа не келсе соны айтып, ойыңа не түссе соны жазуға болады екен деп «пайымдаған» олар өздері бұрыннан жазып келген атып кетті, шауып кетті, өрт шықты, көпір құлады деген сықылдыларды былай сырып тас­тап, енді конституциялық құрылыммен белгіленген буындарға ауыз сала бастады. Отырғанды опақ деді, тұрғанды сопақ деді. Сондағысы қайтсек танымал боламыз, қайтсек ел аузында жүреміз деген есекдәме ғана еді…
Жекелеген мүдделер соғысының қолшоқпарына айналғандары да болмай қойған жоқ. Сөйтіп, газет таралымын көбейту, оның танымалдығын арттыру осындай тәсілдер арқылы да «пысықталғаны» жасырын емес. Таралым демекші, бір ғажабы дәл сол жылдары ұлт басылымдарының тиражы анау айтқандай ойсырап қалған жоқ. Сонымен қоса тұрақты оқырмандар өздерінің сүйікті газет-журналдарынан қол үзбеді. Ал есесіне мерзімді басылымдар редакциялары таралым аудиториясын қалыпты деңгейде ұстап қалудың бар амалын жасап бақты.IMG_0467
Сондықтан да сол жылдардағы газеттер мен журналдарды парақтап көрсеңіз ұлттық мүдде мен сананың сан қырлы проблемасына арналған ой-толғамдарды, көкейтесті сұхбаттарды, ел мен жер тағдырына қатысты өзекжарды өткір сөзді жиі-жиі кездестірер едіңіз. Бұл – бір.
Екіншіден, газеттер мен журналдар­дың таралым аудиториясын қалып­тас­тыру, оқырманмен үндесу қай реңкте болып еді, оның нақты нәтижесі қандай болды деген сауал туындайтыны сөзсіз.
Оқырманмен үн қатысу – бұл үздіксіз жүретін үрдіс. Оқырман көкейін­дегісін табу, қоғам алдында тұрған елеулі мәселелер туралы пікір алысу, сырласу қазақ баспасөзінің ежелден қалыптасқан жақсы дәстүрі. Әріге бармай-ақ кешегі 90-жылдың мысалына үңілсек, бар сауалға өзінен өзі-ақ жауап табылады. Мерзімді басылым беттерінде елді ауызбірлікке шақырған ұлт баспасөзінің ай мүйізді көсемі де, шешені де болған Сапар Байжановтың, Балғабек Қыдырбекұлының, Кәкімжан Қазыбаевтың, Камал Смайыловтың, бүгіндері көзі тірі арамызда жүрген ағаларымыз Шерхан Мұртазаның, Әбіш Кекілбаевтың, Қуаныш Сұлтановтың, Сарбас Ақтаевтың публицистикалық ой-толғамдары қалың оқырманның әлі есінде.
Қазақ басылымдары ежелден отан­шыл­дық, мемлекетшілдік, халықшылдық саясаттың құралы болған. Оны осы тұғы­рынан ешкім де тайдырған жоқ. Ол ежел­ден халықтың мұңын мұңдап, жоғын жоқтауды өзінің басты мұраты етіп белгілеген.
Баспасөзге лайықты қолдау болма­ған жерде оның зардабы адам айт­қысыз салдарға әкелерін дәл бүгін Украинадағы дағдарыс айқын көрсетіп отыр. Мен 2010 жылы желтоқсан айында Қазақстан Журналистер одағының ұйымдастырумен делегация құрамында Украинада болған едім. Осында өткен жиналыстың арасында әдеттегідей өзіміздің әріптестерімізді іздеп, редакцияларына баруды ойлағанмын. Алайда, бұл ойым іске аспады. Мемлекет қолдауында болады деп есептелген газет-журналдардың біразы жабылып, енді біразы тәуелсіз құрылтайшылардың қанатының астына кеткен екен… Көше-көшелерді аралап, дүңгіршектерден бүгінгі күннің шындығын айтады-ау деген басылымдарды іздедім. Қайда қарасаң да қаптаған саржағал газеттер мен журналдар. Сұрастыра келе білгенім: ресми басылымдарға тиісінше қамқорлықтың, қолдаудың болма­ғандығынан олардың саны күрт азайып, таралым аумақтары барынша шектелген.
Біразы жабылған. Енді біреулері сырттан болатын қаржылай көмекке үміт артқан… Сөйтіп, кім тапсырыс берсе, соның сөзін сөйлейтін заман орнаған.
Осының салдарынан олардың орнын оппозициялық басылымдар басқан да майданға дем берушілер мен олардың тірегіне айналған. Ақыр соңында елді текетірес пен дағдарысқа алып келген ахуалға откөсеушілер де әлгінде ғана тілге тиек еткен көкезу басылымдар болып шыққан. Сабақ аларлық мәселе ме? Әрине!
Киевтің «көсемдері» неден ұтыл­ғанын соңыра бірақ білді. Олар бюджетке масыл болды деп өздерінің құлағы мен көзі болып отырған басылымдардан құтылғанша асық­ты. Осы пиғыл биліктің түбіне жетті. Мұның ыңғайы қалай болар екен деп аңысын аңдыған оппозиция тігерге тұяғы жоқ, ал бірақ шиырып тастаса алшысынан тұратын кәсіби журналистерді өз ыңғайларына алды да кетті… Мұның ақыры сүттей ұйып отырған газет-журнал ре­дак­цияларының берекесінің қашуына, соңы өндіріс тоқтап, газеттердің жабы­луы­на әкеп соқты.
Өкінішке орай, осы синдромның салдарынан украин оқырманы өлшеусіз зардап шегіп отыр. Шолақ ойлап, теріс пішетін «төрелер» газет жұмысын тоқтатсақ бюджет шығынын азайтамыз, газет шығаруға жұмсалатын қаражаттан үнем болады деп ойлайды. Қазіргі дағдарысты желеу етеді. Бұл өте теріс пікір, қияңқы қағида!
Қазір әлемдік-экономикалық дағда­рыс­тың шарпуы тимеген ел кемде-кем шығар. Дағдарыстар болады, өтеді, кетеді. Ол заңды құбылыс. Өткен ғасырда оның небір атасы болған. Қатерлі, қиын заман­дар өткен. Солардың қай-қайсысы да кейінгі ұрпақ үшін тағылым түйерлік, са­бақ аларлық еді.
Мәселен, өткен ғасырдағы 90-шы жыл­дардың ахуалын еске алып көріңізші. Дағдарыс дегеннің көкесі сол кездері болмап па еді?! Біреу айтса сенбейсің, ал бірақ қым-қиғаш тіршіліктің тоқсан толғауын, толғатуын өз көзімізбен көрдік қой. Айлап жалақы ала алмай, жылдап қаламақы дегеннің не екенін білмей, тіпті, еңбек демалысы деген ұғымды ұмытып та күн көрген едік. Сөйтіп жүріп «Дәуір» баспасының қарызына газет шығардық, журнал бастырдық. Тайлы-таяғымызбен жүріп ел араладық. Газетке жазылу шаруасымен. Ол өлара кезең еді. Өлара шақтағы патриотизм өршіл болады екен.
Ел іші де келер күннен үмітті еді. Қуана қарсы алып, арқадан қағып шығарып салатын. Сенбесеңіз өзіңіз сол жылдардың газет-журналдарын алып қарап көріңізші. Баспасөзге жазылуға деп түйе, бие, отарымен қой атап жеделхат жолдаған қуанышты хабардар легінде шек болмайтын. Бір нөмірден бір нөмірге жалғасып жатқан қалың оқырманның ақдариға ықыласы-ай десеңізші!..
Бұл сол замандағы «Егемендік!» деп ел отыр», «Тәуелсіздік – туымыз!» деп ұран салған газет айдарларының күші, сөнбес рухы алға жетелеген айбынның көрінісі еді.
Ал қазір ше? Газетке жазылу туралы шаруа айтсаң, бәтіңкесінің басына қарайтын бастықты көресің. Өзіңе ақыл айта бастайды. «Біз енді елді зорлай алмаймыз ғой, күштеудің заманы өткен…» деген сияқты әңгіме айтып жақауратады келіп. Біз айтамыз: «Сіз газетке жазыл деп қалың елге зорлық қылмаңыз, ал бірақ ел ішінде газет-журнал – ел тағдырының, тарихының айнасы, оның жансерігі екенін айтып, түсінік жұмысын жүргізу парызыңыз» дейміз!
Қазір үстел басында отырған кейбір бишігештер газет-журнал дегеннің заманы өтті ғой, интернет, әлеуметтік желілер бар емес пе деп өзіңе ақыл үйрете бастайды. Ол түсінікті шаруа. Ал бірақ шынайы ақпарат алудың көзі ретінде газеттер мен журналдар өзінің тарихи миссиясын өтеп болды дегендер қатты қателеседі. Себебі, мерзімді басылым атамыз Ахмет Байтұрсынов айтқандай, «халықтың көзі, құлағы һәм тілі».
Интернет туралы. Рас байланыстың, ақпарат беріп, ақпарат алудың заманауи форматына көшкеніміз дұрыс. Мұның артықшылықтары да бар. Сондықтан елімізде шығатын көптеген газет-журналдардың қосымша сайттары да жұмыс істейді. Мұны «Қазақ газеттері» жауапкершілігі шектеулі серіктестігінің сайтпен жұмыс істеу тәжірибесінен де байқауға болады. Серіктестікке қарасты газеттер мен журналдар («Ана тілі», «Экономика», «Уйғур авази», «Ақиқат», «Мысль», «Үркер») қазір әлемдік ақпарат кеңістігінен өзіне лайықты орын алып отыр. Бүгін басылып шыққан газет нөмірін сол заматта ту-у сонау Латын Америкасындағы бауырларымыз интернет арқылы үйінде оқи алады. Соған өзінің пікірін жазады. Әлеуметтік желілер ой еркіндігіне жол ашты. Бірақ әр нәрсенің де өз биігі, жетер мұраты болады ғой. Сондықтан да әлеуметтік желілерді пайдаланудың артықшылығы мен орны толмас кемшілікке де жетелеп отырғанын айтпасқа тағы болмайды.
Сөз қадірін, тіл табиғатын аса қадірлей білетін оқырман қауым әлеуметтік желі­лердегі сауатсыздықтың, сөз қолданыстағы, сөйлем құраудағы небір сорақылықтың орын алатындығына дабыл қағып, өзіміз жұмыс істеп жүрген газеттерде бір емес, бірнеше рет мақала жарияланғаны тағы бар. Ал осы орайда Газеттер мен журналдар қасиетті тіліміздің қадір-қасиетіне жетудің үлкен бір мектебі болып отыр десек қателеспеспіз!
Газет-журнал шығарып, оны қалың бұқараның игілігіне айналдырам, ол миллиондардың мінбері болуы керек деген мақсат өркениетті мемлекеттердің бірден-бір ізгілікті ісі болып келген. Тіпті, бұл мәселені әріге бармай-ақ өткен ғасырдың жиырмасыншы жылдарынан берменгі тарихымызға көз жүгіртсеңіз көп нәрсеге қанығар едіңіз. Жиырмасыншы-отызыншы жылдардың аласапыраны кезінде, Ұлы Отан соғысының отты жылдарында, соғыстан соңғы кездердегі халық шаруашылығын қалпына келтіру жылдарында баспасөз халықпен диалогтың үлкен мінбері бола білді. Ал билік те осы мақсатта қажетті қаражат тауып, ақпарат құралдарын қолдап отырды. Бір ғана мысал кел­тірейік. Жиырмасыншы жылдарда бұ­ғанасы бекіп, буыны қатпаған Қазақ Республикасының Премьер-министрі болған (сол кездегі ресми атауы Қазақ ССР Халық Комиссарлары Кеңесінің төрағасы) Сәкен Сейфуллин тар жол тайғақ кешу жылдарында ақпарат құралдарын қолдаудың үлгісін көрсетті. Ол Халкомкеңесінің 1923 жылғы 22 тамызда өткен мәжілісінде «Қызыл Қазақстан» (қазіргі «Ақиқат»), «Советская Киргизия» (қазіргі «Мысль») журналдарына қазына есебінен олардың материалдық-техникалық жағдайын жақсарту мақсатында және журналдардың таралым аясын ұлғайту үшін қазынадан қаржы бөлдірген (Қараңыз: М.Абсеметов «Сәкен Сейфуллин Председатель Совета Народных Комиссаров Казахстана». г.Оренбург, 1922-1924 гг; стр 308 г. Астана, 2006 г.).
Тоқсаныншы жылдары қоғамдық құрылыс өзгеруінің елең-алаңында, еліміздің ақпарат құралдары қайранда қалғандай күй кешкені ақиқат. Міне, сол кездері Елбасымыз мерзімді басылымдарды ұдайы қолдаудың үлгісін көрсетті, шын жанашырлық танытты. Сөйтіп, нарықтың ноқтасында жетеленіп тұңғиыққа батып бара жатқан газеттер мен журналдарды қаржыландырудың көзін қарастырды. Бүгінде Тәуелсіздігіміздің толғаулы мәселелеріне белсене үлес қосып, білек сыбана жұмыс істеп жатқандар да Елбасы қолдаған басылымдар.
Мақаламызда сөз орайы келгенде дағдарыстар болады, өтеді, кетеді дедік. Сол дағдарыстарды желеу етіп орныққан ұжымдардың жұмыс үрдісіне кедергі келтіру, соңынан орын толмас өкінішке әкелерін кейбір әкім-қаралар әлі де түсінбейтіні өкінішті-ақ.
Жекешелендірудің жөні осы екен деп қолда бар құндылықтар құралынан айырылып қалып, «аһ!» ұрмағанын қалар едік.
Газет-журнал, бүтіндей баспасөз көкпарға салып тулақтай тартқылайтын зауыт-фабрика емес, тіпті өндіріс те, кеніш те емес! Әрбір әкім өзінің айтар ойының мінберіне айналған басылымнан айырылып қалмаудың амалын табуы тиіс.
Газетті жабу, редакцияны тарату айтуға ғана жеңіл. Бұл жерде мәселеге жан-жақты, кешенді түрде қараған жөн. Кез келген газеттің жұмысын тоқтатумен іс бітпейді. Бұл жерде сол газетті шығаруға қатысы бар баспахана зардап шегеді. Оның пәленбай мың газет тиражын басып отырған жұмыс үрдісіне елеулі соққы тиеді. Атқарылар жұмыс көлемі күрт азаяды. Баспахана жұмысшылары қысқартуға түседі. Ал баспаханаға газет редакциясынан келіп тұрған түсім күрт азаяды. Бұл – бір. Екіншіден, редакцияны қағазбен қамтамасыз етуші мекемелер зардап шегеді. Олар да табыс көзінен айы­рылады. Атқарылатын жұмыс ауқымы шектеліп, тиісінше жұмыс орындары қысқартылады. Үшіншіден, осы үрдіс пошта қызметіне де елеулі салқынын тигізеді. Күнкөрісін газет-журнал тасымалынан айырып отырған пошташылар әлеуметі де тілін тістері бек мүмкін…
Осының бәрі жиылып келгенде нақты бір аймақта, өңірде әлеуметтік текетірестің, дағдарыстың өршуіне себепкер болары сөзсіз.
Баспасөз ұлт санасын қалыптас­тыратын тұтқа. Оны қоғамдық ойдың мінбері деп біл­геніміз жөн. Қазір ғаламды дүние­қоңыздық пен тоғышарлық пиғыл меңдеген шақта отаншылдық, мемлекет­шілдік сезімді, патриоттық рухты көтеретін бірден-бір алып машина – бұқаралық ақпарат құралдары деп білуіміз керек. Сондықтан оның рөлін лайықты бағалап, қолдан келген мүмкіндіктің бәрін жасау – парыз.
Қазақ мемлекетінің құрылуына өлшеу­сіз үлес қосып, қаз тұрып қадам басуына тілеулес көңілмен қызмет етіп келе жатқан баспасөзге шын жанашырлық таныту қоғам мүшелерінің міндеті.
Келер жылдың басылымдарына жазылу – біздің әрқайсымыздың Ұлы мерекеміз – Қазақстан Тәуелсіздігінің 25 жыл­дығына тартқан тартуымыз болсын!
Ұлт басылымына жазылғаның – қазір Алаш жұртында қолға алынып жат­қан ұлан-ғайыр шараларды қол­дағаның.
Өйткені, ол дәл қазіргі қым-қуыт тір­лігіміздің айнасы, оқырман атаулының жалғыз таянышы – Жансерігі!

Жұмабек КЕНЖАЛИН,

“Қазақ газеттері” ЖШС – ның Бас директоры –

Редакторлар кеңесінің төрағасы

Joke

Журналистердің кәсіби мерекесі қарсаңында «Қазақ газеттері» серіктестігі басшысының атына құттықтаулар келіп түсті.

2

31

XSB83Ebi-0w

Алматы қалалық ішкі саясат басқармасының  біздің ұжымды құттықтап, жолдаған тәтті бәліш , міне осындай болды. Барлық ізгі ниет білдірушілерге өз тарапымыздан  рахмет айтамыз.

2015-05-25 17.06.58-2

Жұмабек Кенжалин — «KAZGOR» Жобалау Академиясының Академигі.

Алматыдағы «KAZGOR»  Жобалау Академиясы өткен ғасырдың 30-шы жылдарынан бері сәулет өнеріне бетбұрған таланттардың ұябасар шаңырағына айналған. Республикамыздағы алдыңғы қатарлы жобалаушылар мен сәулетшілердің басын қосқан бұл мекеме кешегі Кеңес дәуірінің өзінде 12 рет Бүкілодақтық социалистік жарыстардың жеңімпазы атанып, осы дәстүр еліміздің тәуелсіздік алған жылдарында да лайықты жалғасын тапты. Осыдан бірер жыл бұрын олар «Алтын сапа» белгісіне ие болды. Биыл өзінің құрылғанына 85 жыл толуын атап өткелі отырған академия мәдени-рухани саладағы елең еткізер оқиғалардың ордасы болып та келеді.

2015-05-25 16.52.05

Соның бір айқын айғағы жуырда мұнда елімізге танымал қаламгерлердің ұжым мүшелерімен кездесу өтті. Ол кездесу «Қазақ газеттері» ЖШС-нің Бас директоры – Редакторлар кеңесінің төрағасы, Қазақстан Республикасы Президенті сыйлығының лауреаты, Қазақстан Жазушылар Одағы басқармасының мүшесі Жұмабек Кенжалиннің шығармашылық ізденістеріне, оқырмандар алдындағы есебіне арналды.

 

Кездесуде осы Академияның Директорлар кеңесінің төрағасы, Қазақстан Республикасы Мемлекеттік сыйлығының лауреаты, Қазақстан Республикасы Инженерлер Ғылымы Академиясының академигі Әбдісағит Шаймұхаметұлы Тәтіғұлов сөз алып, қонақжай шаңырақта өтіп отырған дидарласудың мән-маңызын түсіндірді. Сөз реті келгенде айта кетейік Әбдісағит Шаймұхаметұлы ұзақ жылдар осы ұйымшыл коллективті басқарып келген ірі тұлға. Оның республика зиялы қауымы арасында беделі жоғары, сондықтан да ол жөн-жоралғыны жақсы білетін көшелі кісі.

2015-05-25 17.26.22

Әбекең жиналғандарға қаламгер Ж.Кенжалиннің шығармашылық ізденістері мен тәуелсіз мемлекетіміздің ақпарат құралдарының қадамының қатайып, буынының бекей түсуіне қосқан үлесі туралы мол мағлұмат берді.2015-05-25 17.27.30

Кездесуге қатысқан сәулетші-жобалаушы Тілес Ақбердин, «КазДорНИИ» ашық акционерлік қоғамының Департамент директоры Есенбек Айдарбеков, «Ана тілі» газетінің бас редакторы Самат Ибраим, «Алматы ақшамы» газетінің бас редакторы Қали Сәрсенбай Жұмабек Омарұлының шығармашылығындағы жетістіктері туралы кеңінен толғады.

Ж.Кенжалин өзінің шығармашылық жолын «Егемен Қазақстан» газетінде тілшіліктен бастап, республикамызға белгілі бірнеше газеттер мен журналдардың тізгінін ұстаған қаламгер. Кезінде ол «Зерде» («Білім және еңбек») журналында бас редактордың міндетін атқарушы – редакцияның жауапты хатшысы, «Халық кеңесі», «Ақиқат», «Қазақ әдебиеті», «Ана тілі» басылымдарында бас редактор болды. Кейін «Қазақ газеттері» жабық акционерлік қоғамы құрылған кезде соның президенті болып тағындалды.

2015-05-25 16.39.18

Осындай жауапты жұмыстарда жүрген қаламгер бір сәтке де өзінің шығармашылық машығын жетілдіре түсуді ұмытқан жоқ. Оның қаламынан «Желкілдеп өскен құрақтай», «Шындықты шырақ етіп ұстаңыз», «Ұлт рухын ұлықтаған ұрпақпыз», «Саяси менеджмент және баспасөздің жұртшылықпен байланыс мәселелері», «Ер Жәуке мінбегенмен алтын таққа», «Қалам қанаты» деп аталатын кітаптар дүниеге келіп, олар оқырмандар тарапынан лайықты бағасына ие болған.

Жұмабек Омарұлы өзі атқарып отырған бұқаралық ақпарат саласындағы толғамды проблемалар туралы зерттеу жүргізіп кейін ол ғылыми ізденістің негізіне айналды. Соның нәтижесінде 2004 жылы саяси ғылымдар кандидаты атағын алу үшін диссертация қорғады.

«KAZGOR» ұжымы осынау шуақты бас қосуда жақсы бір жоралғының куәсі болды. Қарымды қаламгер, баспасөз ісінің шебер ұйымдастырушысы Жұмабек Кенжалинге Академияның жоғарғы академик атағы берілді.

2015-05-25 16.38.12

2015-05-25 17.30.34-1