• АҚПАРАТ АҒЫНЫ
• 19 Мамыр, 2020

Қытайда коронавирус қайта өрши бастады

Қытайда COVID-19 қайта өрши бастады. Бұл туралы Bloomberg агенттігі хабарлады. Ақпаратқа сәйкес, қазіргі уақытта 100 млн-нан астам адам карантинге жабылған. ⠀ Билік елдің солтүстік-шығысында қатаң шектеу шараларын енгізген көрінеді. Цзилинь провинциясында автобус және теміржол қатынасы уақытша тоқтап, мектептер жабылған. Агенттік мәліметінше, онда 34 адамның коронавирус жұқтырғаны анықталды. ⠀ Цзилинь провинциясындағы қалалардың бірінде індетке шалдыққандар анықталған тұрғын үй кешендерінің барлығын карантинге жабу туралы шешім қабылданған. Тек отбасының бір мүшесіне ғана азық-түлік алу үшін шығуға рұқсат беріліп отырады. Онда да әр екі күн сайын екі сағатқа ғана шығуға болады. ⠀ Сонымен қатар, өңірде бірқатар жеткізу қызметтері жабылып, дәріханаларда туберкулезге қарсы дәрілерді сатуға тыйым салынған. Басылымда бұл адамдардың індет симптомдарын жасырмауы және өзін-өзі емдемеуі үшін қажет деп жазылған.