• АҚПАРАТ АҒЫНЫ
• 03 Тамыз, 2020

Жазира Жаппарқұл үздіктердің ерекше рейтінгіне енді

Қазақстандық зілтемірші Жазира Жаппарқұл Okezone.com басылымының ерекше рейтингіне енді. Басылым Олимпиада ойындарының жүлдегері атанған бес мұсылман әйел тізімін жасаған. Олардың қатарында Жазира Жаппарқұл да бар. «2016 жылы Рио-де-Жанейродағы Олимпиада ойындарында Жазира 69 келіге дейінгі салмақта 259 келіні еңсеріп, күміс медаль еншілеген. Енді Жазира Токиодағы Олимпиадада алтын медаль алуға тырысады», - деп жазды басылым. Айта кетейік, Токио Олимпиадасы коронавирус пандемиясына байланысы 2021 жылға шегерілген болатын.