Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 08 Тамыз, 2020

COVID-19-ға  қарсы қазақстандық вакцинаны ғалымдар өздеріне салдырды 

COVID-19-ға қарсы қазақстандық вакцинаны әзірлеуші жеті ғалым вируспен жұмыс істеген кезде қауіпсіздікті қамтамасыз ету үшін ерікті түрде вирусқа қарсы вакцина салдырды. Вакцина ҚР БҒМ Ғылым комитетінің Биологиялық қауіпсіздік мәселелері ғылыми-зерттеу институтында әзірленді. –Ғалымдардың жағдайы жақсы, олар өз жұмыстарын жалғастыруда, – деп мәлімдеді Биологиялық қауіпсіздік мәселелері ғылыми-зерттеу институтының директоры Күнсұлу Зәкәрия. Белсендірілмеген вакцинаның клиникаға дейінгі сынақтарының нәтижелері дәрілік заттарды сараптау жөніндегіҰлттық орталыққа сараптамалық жұмыстар жүргізу үшін жіберілді. Сараптамалық жұмыстар шамамен тамыздың ортасында аяқталады. ҚР Денсаулық сақтау министрлігінің рұқсатын алғаннан кейін қыркүйек айында Алматы қаласындағы клиника базасында коронавирусқаантиденелері жоқ 18 жастан 50 жасқа дейінгі 44 еріктінің қатысуымен клиникалық сынақтардың бірінші кезеңі басталады деп күтілуде. Вакцина салғаннан кейін олар 42 күн бойы бақылауда болады. Қазан айының ортасында клиникалық сынақтардың екінші кезеңін бастау жоспарланып отыр, ол 2020 жылдың желтоқсанында аяқталуы тиіс. Кандидаттық вакциналардың клиникалық сынақтары оң нәтиже берген жағдайда Жамбыл облысы Отар кентіндегіБиологиялық қауіпсіздік проблемалары ғылыми-зерттеу институты жанынан салынып жатқан биофармацевтикалық зауыт базасындақазақстандық вакциналар өндірілетін болады. Зауыт халықаралық стандартқасай иммунобиологиялық дәрілік препараттарды, оның ішінде қазіргі уақытта қазақстандық ғалымдар клиникаға дейінгі сынақтарымен айналысып жатқан COVID-19-ға қарсы вакциналарды шығарады деп жоспарланып отыр. Естеріңізге сала кетсек, қазақстандық ғылыми-зерттеу институтының коронавирус инфекциясына қарсы екі кандидаттық вакцинасы Дүниежүзілік денсаулық сақтау ұйымының тізіміне енгізіліп, клиникаға дейінгі сынақтардан сәтті өтіп жатыр. COVID-19-ға қарсы екінші вакцина ДДСҰ сайтында 31 шілдеде кандидат ретінде тіркелген. ҚР БҒМ Ғылым комитетіБиологиялық қауіпсіздік проблемалары ғылыми-зерттеу институтының денсаулық сақтау үшін аса қауіпті инфекцияларға қарсы вакциналарәзірлеудегі жұмыс тәжірибесі мол. Алғашқы белсендірілмеген қазақстандық вакцина ДДСҰ сайтында 15 мамырда тіркеліп, бүгінде клиникаға дейінгі сынақтардан сәтті өтуде.      

180 рет

көрсетілді

0

пікір
Алдыңғы мақала Алматылықтардың сақтандыру жарнасы 73млрд теңгеден асты
Келесі мақала Тіліміздегі әр сөз - шежіре

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *