Тікелей эфир
Тікелей эфир
МАҢЫЗДЫ
  • Аймақ тынысы
  • 25 Тамыз, 2020

«Сыбаға» бағдарламасының мүмкіндігі мол

Түркістандық кәсіпкерлер «Сыбаға» бағдарламасының көмегімен кәсіптерін дөңгелетіп отыр.

Түркістан облысы Түлкібас ауданына қарасты Машат ауылының тұрғыны Е.Төлепбеков мемлекеттік «Сыбаға» бағдарламасының көмегімен жеке шаруашылығын ашып, өз ісін дөңгелетіп отыр. Ол жеңілдетілген несие алып, оған 75 бас ірі қара малын сатып алған. Кәсіпкердің алдына қойып отырған мақсаты – ет бағытындағы мал шаруашылығын дамытып, шетелдерге өзі өндірген өнімді экспорттау.

Ауданда аталған бағдарламағаның шарапатын көріп отырғандар аз емес. Мәселен, былтырдың өзінде 10-нан астам шаруа қожалығы осындай жолмен мал басын көбейтіп, өңірімізді ғана емес, өзге облыстарды да етпен қамтып келеді. Шаруашылықтың осы бағытына қолдау білдіру мақсатында ауданда ет өңдейтін кешенмен, сүт фермасы салынған. Алдағы уақытта мұндай өндіріс орындарының қатары артатын болады.

«Сыбаға» бағдарламасы аясында «Ауыл шаруашылығын қолдау қоры» АҚ арқылы 70 млн теңгеге дейін несие рәсімдеуге болады. Тек ет бағытындағы шаруашылыққа берілетін қаржыны 4 пайыздық үстемемен 15 жылға дейінгі мерзімге алуға болады. Айта кетейік, Түлкібас ауданында ҚР-ның агроөнеркәсіптік кешенін дамытудың 2017 – 2021 жылдарға арналған мемлекеттік бағдарламасы аясында биыл ірі қара мал басы санын 265-ке жеткізу керек болса, қазіргі таңда бұл көрсеткіш 299-ға жетіп, жоспар 112,8 пайызға орындалған.



205 рет

көрсетілді

0

пікір
Алдыңғы мақала Қорғалжында киіктер көбейді
Келесі мақала Түркістан облысында жолаушылар автобусы аударылды

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *