Тікелей эфир
Тікелей эфир
МАҢЫЗДЫ
  • Безбен
  • 25 Тамыз, 2020

Салық бойынша қарызы бар қазақстандықтардың тізімі жарияланды

Мемлекеттік кірістер комитеті 250 миллион теңгеден асатын сомаға жер, көлік және мүлік салығы бойынша жинақталған қарызы бар 100 қазақстандықтың тізімін жариялады.

Комитет мәліметінше, олардың салық бойынша жалпы қарызы қазіргі уақытта 263 845 620 теңге. Бұл соманың ішіндегі негізгі қарыз үлесі – 166 150 674 теңге. 97 694 946 теңге – есептелген өсімпұлдар дейді ведомстводағылар.

 

Толық тізім комитеттің сайтында жарияланды.



"Антирейтинг тізімінің бірінші орнында Алматы қаласының тұрғыны. Оның төлеуі тиіс көлік салығының жалпы сомасы 11 миллион теңгеге (10 932 801 теңге) жуық. Бұл сома бойынша негізгі қарыз – 6 314 141 теңге. Ал жинақталған өсімпұл – 4 618 660 теңге.

Жер салығы бойынша ең көп борыш жинақтаған азамат - Ақтөбе қаласының тұрғыны. Ол жалпы сомасы 723 455 теңге қарызын өтеген жағдайда 73 719 теңге сомасындағы өсімпұлдан босатылуы мүмкін.

Сонымен бірге, қазақстандықтар мүлік салығы бойынша да қарыз жинап үлгерген. Салықтың бұл түрінде рейтингті Нұр-Сұлтан қаласының тұрғыны бастап отыр. Оның жалпы қарызы - 1 165 033 теңге. Ол негізгі қарыз сомасын төлеген жағдайда 422 287 теңге өсімпұлды есептен шығара алады", - делінген хабарламада.

Салықтық берешегінің бар-жоғы туралы мәліметті ҚР ҚМ Мемлекеттік кірістер комитетінің сайтындағы http://kgd.gov.kz/ru/app/culs-taxarrear-search-web сілтемесі арқылы немесе eSalyq mobile (AppStore, PlayMarket) мобильді қосымшасы арқылы тексеруге болады.

Мемлекеттік кірістер комитеті алдағы уақытта да жауапсыз салық төлеушілер тізімін жариялауды жалғастырады.

238 рет

көрсетілді

0

пікір
Алдыңғы мақала «Nur Otan» партиясының отырысы кейінге шегерілді
Келесі мақала «Күміс волонтер» жобасына шақырамыз

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *