Тікелей эфир
Тікелей эфир
МАҢЫЗДЫ
  • Аймақ тынысы
  • 02 Қыркүйек, 2020

Атырауда модульді типтегі аурухана қазан айында қолданысқа берілмек

Атырау қаласында модульді типте салынып жатқан жұқпалы аурулар ауруханасының құрылысы тамыз айында басталды. Оны қазан айында толықтай аяқтау көзделіп отыр. Бұл туралы облыстық денсаулық сақтау басқармасының баспасөз қызметі мәлім етті.

Атырау облыстық денсаулық сақтау басқармасы басшысының орынбасары Асхан Байдувалиевтің мәліметіне сүйенсек, медициналық блокта әкімшілік, зертхана, КТ мен рентген аппараттары, бронхоскопикалық құрал-жабдықтар, УЗИ, электрокардиографтар болады деп жоспарлануда. Жаңа аурухана жұмысына жергілікті медицина қызметкерлері қайта оқыту арқылы тартылады.

«Инфекциялық аурухана стандартымен бой көтеріп жатқан 200 орындық медициналық нысанды облыс әкімдігінің тапсырмасымен, «Норт Каспиан Оперейтинг Компани Н.В.» компаниясының тапсырысымен «BI Industrial» компаниясы салып жатыр. Аурухана ғимараты жылдам құрастырылатын құрылыс технологиясымен модульді блоктардан тұрғызылуда. Медицина қызметкерлері мен ем алушылардың қауіпсіздігін қамтамасыз ететін заманауи диагностикалық және науқастарды емдеуге арналған құралдармен жабдықталады. Медициналық нысанда екі орындық 56 палата, үш орындық 16 палата, бір орындық 6 және екі орынды 7 бокстар аулаға шығатын арнайы есігімен салынуда. Сондай-ақ, қарқынды терапия бөлімінде 20 керует, ал қабылдау-диагностикалық бөлімінде бес бокс жасақталады», - дейді Асхан Байдувалиев.

 

174 рет

көрсетілді

0

пікір
Алдыңғы мақала Елімізде суға шомылу маусымы аяқталды
Келесі мақала Солтүстік өңірде көп ауылдың болашағы бұлыңғыр

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *