• Безбен
• 02 Қыркүйек, 2020

Қайрат Лама Шариф - Қазақстанның Мысырдағы елшісі

Бүгін Мемлекет басшысының жарлығымен бірқатар елдердегі Қазақстанның төтенше және өкілетті елшілері тағайындалды.

Мемлекет басшысының жарлықтарымен:

Арман Қайратұлы Исағалиев Қазақстанның Қатар мемлекетіндегі төтенше және өкілетті елшісі болып тағайындалды, ол Египет, Алжир, Тунис елдеріндегі төтенше және өкілетті елші қызметін қоса атқарудан босатылды;

Қайрат Қайырбекұлы Лама Шариф Қазақстанның Египеттегі төтенше және өкілетті елшісі қызметіне тағайындалды;

Қазақстанның Үндістандағы төтенше және өкілетті елшісі Ерлан Алтынбайұлы Әлімбаев ҚР-ның Шри-Ланка, Бангладеш, Непал, Бутан, Мальдивтер елдеріндегі төтенше және өкілетті елшісі қызметін қоса атқаратын болды;

Қазақстанның Венгриядағы төтенше және өкілетті елшісі Жәнібек Жарасқанұлы Әбдрашов ҚР-ның Солтүстік Македониядағы төтенше және өкілетті елшісі қызметін қоса атқаратын болды.

Асқар Жеңісұлы Шоқыбаев Қазақстанның Қатар мемлекетіндегі төтенше және өкілетті елшісі қызметінен;

Дәулет Тазабекұлы Ембердиев Қазақстанның Кувейт мемлекетіндегі төтенше және өкілетті елшісі қызметінен босатылды.