Тікелей эфир
Тікелей эфир
МАҢЫЗДЫ
  • Денсаулық
  • 05 Қыркүйек, 2020

Елорда әуежайында коронавирусқа қарсы қауіпсіздік шаралары күшейтілді

Тепловизорлар орнатылып, санитайзерлер мен басқа да қорғаныс құралдары сатып алынды, деп хабарлайды әкімдіктің ресми сайты.

Нұрсұлтан Назарбаев атындағы халықаралық әуежайда санитарлық шаралар күшейтілді. Профилактикалық жұмыстар күн сайын жүргізіледі. Әр үш сағат сайын әуежай аумағы, қызметтік үй-жайлар, арнайы құралдар, сондай-ақ адамдар көп шоғырланған жерлерде дезинфекция жасалады.

«Біз терминалдардың барлық кіреберіс топтарына 15 термокамера орнаттық, жеке қорғаныс құралдары, маскалар, қолғаптар сатып алдық. Антисептиктер әуежайдың барлық терминалында және әкімшілік ғимаратында бар. Жолаушылар жиналатын жерлерде арақашықтық сақтау белгілері, орындықтарға ленталар жапсырылды», - деді «Нұрсұлтан Назарбаев халықаралық әуежайы» АҚ басқарма төрағасының орынбасары Арнабол Бақыт.

Барлық әуежай қызметкерлері жеке қорғаныс құралдарымен қамтамасыз етілген. Ол үшін 14 мың жеке қорғаныс құралдары, 122 мың медициналық қолғап, 400 мыңнан астам маска сатып алынды. Қызметкерлерді ауысым алдындағы және ауысымнан кейінгі медициналық тексерулер күн сайын жүзеге асырылады. Егер олардан жоғары температура немесе басқа белгілер байқалса, олар жұмысқа шығарылмайды.

Қазіргі уақытта әуежай ішкі және бірқатар халықаралық рейстерді қабылдайды. Компания жолаушыларға санитарлық нормаларды қатаң сақтау, маска тағу, санитайзер қолдану және арақашықтық сақтау керектігін ескертеді.

132 рет

көрсетілді

0

пікір
Алдыңғы мақала Covid-19-дың жаңа толқынына дайындық жайлы алматылық инфекционистер айтып берді
Келесі мақала Кавасаки синдромының белгілері қандай?

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *