Тікелей эфир
Тікелей эфир
МАҢЫЗДЫ
  • Денсаулық
  • 16 Қыркүйек, 2020

Алматыда вакцина алу алгоритмі туралы айтылды

Қалалық студенттік емхананың бас дәрігері Айгүл Асенқызы Алматы қаласының өңірлік коммуникациялар қызметіне берген сұхбатында тұмауға қарсы тегін вакцина алу алгоритмі туралы айтты.
Алматыда ЖРВИ-мен жаппай ауырудың  алдын алу және тұмау вирусының коронавирус инфекциясымен  қабаттасып кетпеуі үшін  15 қыркүйектен бастап қала тұрғындарын тұмаудан вакциналау басталды. 
Айгүл Асенқызының айтуынша, вакцина алғысы келетіндерге емханаға келу керек. 
"Егер адам вакцина алғысы келсе, онда ол тіркелген емхананың тіркеу бөліміне алдын ала қоңырау шалу қажет", - деп түсіндірді Айгүл Асенқызы.
 
Айта кету керек, мемлекеттік бюджет қаражаты есебінен вакцина келесі санаттағы азаматтарға қол жетімді: 
•эпидемиялық  белгілері бар адамдарға;
•жүрек-қантамыр жүйесінің созылмалы аурулары бар адамдар;
•жүктіліктің екінші немесе үшінші триместріндегі жүкті әйелдер;
•медициналық-әлеуметтік мекемелердің қызметтерін алушыларға;
•жетім балалар мен ата-анасының қамқорлығынсыз қалған балаларға арналған білім беру ұйымдарының, балалар үйлерінің балалары;
•медициналық ұйымдарда медициналық бақылауға жататын балалар;
•мемлекеттік мекемелердің медицина қызметкерлері;
•жастары  6 айдан жоғары жиі ауыратын балалар.
Тегін вакцина тұрғылықты жері бойынша немесе тіркелген жері бойынша емханаларда жүргізіледі. 
Қызмет көрсету саласының қызметкерлері (көлік, супермаркеттер, банктер, қонақ үйлер, ірі кәсіпорындар және т.б.) жататын халықтың өзге санаттарына вакцина жұмыс берушінің  немесе өз қаражатынан  жүргізіледі. 
Айгүл Асенқызының айтуынша, екпе алу алдында міндетті түрде терапевттен тексеруден өту қажет.
"Вакцина алудан бұрын пациент жалпы тәжірибелік дәрігерге немесе терапевтке баруы өте маңызды. Дәрігер науқастың жалпы жағдайын бағалайды.  Егер катаральды құбылыстар немесе температура байқалмаса, ол вакцинаны «Өз еркімен ақпараттандырылған келісімге қол қою арқылы ала алады немесе  алдын алу екпесін алудан  бас тарта алады ", - деп түсіндірді ол.  
Тұмауға қарсы екпе алғысы келетін қалған санаттағы қала тұрғындары тұмауға қарсы екпе жүргізуге лицензиясы бар медициналық орталықтарға жүгіне алады:
1. Мұқанов к-сі, 235 мекенжайы бойынша орналасқан "IMC" медициналық орталығы (байланыс нөмірі 8 (727)378 64 64)
2. "Фармаком "ЖШС" вакцинация клиникасы " Бұзырбаев көшесі, 23 (байланыс нөмірі 8 (727) 38246038 (727) 291 79 65
3. "СОС-ҚАЗАҚСТАН" ЖШС Луганский к-сі, 11 (байланыс нөмірі 8 (727) 2581911)
Сондай-ақ тұмауға қарсы вакцина дозасының орташа бағасы 2,5-нан 4 мың теңгеге дейін өзгеретіні атап өтілді. Тұмауға қарсы "Гриппол Плюс" немесе "Инфлювак" вакциналары ұсынылады.
Естеріңізге сала кетейік, алдағы маусымда жергілікті бюджет қаражатынан қауіп тобындағы адамдарды тегін вакциналау үшін 130 000 доза көлемінде ресейлік  үшвалентті тұмауға қарсы "Гриппол Плюс" вакцинасы сатып алынды. Сондай-ақ КВИ ауруын  ескере отырып, қосымша тағы 300 мың доза сатып алуға өтінім берілді (жеткізу ағымдағы жылдың қазан айында күтілуде)

139 рет

көрсетілді

0

пікір
Алдыңғы мақала Алматыда 430 мың тұрғынды тұмауға қарсы вакциналау жоспарлануда
Келесі мақала Коронавирустан емделуге тиімді дәрілер тізімі

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *