Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 17 Қыркүйек, 2020

Оқушылар мен студенттер арасында Әл-Фараби туралы үздік эссе байқауы өткізіледі

Шығармалар мемлекеттік және орыс тілдерінде қабылданады, деп хабарлайды әкімдіктің ресми сайты.

Нұр-Сұлтан қаласының дін істері мәселелерін зерттеу орталығы «Қайырымды қала тұрғындары» тақырыбында үздік эссе байқауының басталғанын жариялады. Шара ұлы ойшыл Әбу Наср Әл-Фарабидің 1150 жылдығы қарсаңында өткізілуде.

Байқауға елордалық мектеп оқушылары (8-11 сыныптар) және жоғары оқу орындары мен колледж студенттері қатыса алады. Қатысу тегін және ерікті түрде. Жұмыстар мемлекеттік және орыс тілдерінде қабылданады. Мектеп оқушылары үшін эссе көлемі кемінде 2 бет, ал жоғары оқу орындары мен колледж студенттері үшін А4 форматында кем дегенде 3 бет.

«Қатысушылар жұмыстарын өздері таңдаған тақырып бойынша ұсына алады. Мысалы, «Әл-Фарабидің өмірбаяны», «Ұлы ойшылдың рухани мұрасы», «Әл-Фарабидің ғылыми және шығармашылық жұмыстары», «Әл-Фарабидің әлемдік ғылымға қосқан үлесі», «Әл-Фараби идеяларының қазіргі қоғам үшін өзектілігі». Жұмыстар 17-27 қыркүйек аралығында қабылданады», - делінген хабарламада.

Жұмыстарды бағалау және жүлделі орындарды анықтау 27-29 қыркүйек аралығында, жеңімпаздарды марапаттау және сыйлықтарды ұсыну 29-30 қыркүйек аралығында өтеді деп күтілуде.

Бірінші орынға сыйлық - ноутбук, екінші орынға - планшет, үшінші орынға - смартфон.

Конкурс туралы толық ақпаратты 8 708 837 53 54, 8 775 868 20 00 телефон нөмірлері арқылы алуға болады. Пошта: cipr_2013@mail.ru.

172 рет

көрсетілді

0

пікір
Алдыңғы мақала Қазақстандық жауынгерлердің сүйегі туған жерінде жерленеді
Келесі мақала Министр мәлімдеме жасады

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *