Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 27 Қыркүйек, 2020

Елордада карантин тәртібін бұзғандар полицияға жеткізілді

Түнгі тыныштық пен карантин тәртібін бұзған 65 адам түнгі клубтан полицияға жеткізілді. Ойын-сауық мекемесінде айыппұл салынды, деп хабарлайды әкімдіктің ресми сайты.

Тәртіп сақшылары «Аура» түнгі клубынан түнде тыныштықты бұзып, кальян тұтынған 65 адамды полицияға жеткізді. Карантинді бұзғаны үшін ойын-сауық мекемесінің иелері айыппұл төлейді.

«26 қыркүйек күні сағат 01: 33-те «102» пультіне белгісіз адамдардан бірнеше рет телефон хабарламалары келіп түсті. Олар Нұр-Сұлтан қаласы, Тұран көшесі, 2 т.ж., «Аура» түнгі клубында жастар шу шығарып, тыныштықты бұзғанына шағымданды. Бұл фактіні тексеруге 10 учаскелік полиция инспекторы, 25 жедел әрекет ету жасағы, 8 «Ұшқын» экипажы - 16 инспектор, Есіл ауданының полиция басқармасының жедел тергеу тобы қатысты. Тексеру кезінде жедел тергеу тобы бұл заң бұзушылықты фото және видео жазба арқылы тіркеді. Түнде тыныштықты, сондай-ақ карантин режимін бұзғаны үшін 65 азамат полицияға жеткізілді», - деп хабарлады Есіл аудандық полиция басқармасы.

Тәртіп бұзушыларға қатысты 65 әкімшілік хаттама жасалды, оның 63-і түнгі уақытта тыныштықты бұзғаны, екеуі кальян шеккені үшін. Сондай-ақ «Ұшқын» экипаждары мас күйінде көлік жүргізудің төрт фактісін және автокөлікті құжатсыз жүргізудің бір фактісін анықтады.

«Аура» түнгі клубының әкімшілігіне халықтың санитарлық-эпидемиологиялық салауаттылығы саласындағы заңнаманың талаптарын, сондай-ақ гигиеналық нормативтерді бұзғаны үшін айып тағылды.

«Аура» түнгі клубына, ЖК «Алания» директоры Усманова Динара Ерболатқызына қатысты жиналған материалды заңды процедуралық шешім қабылдау үшін Нұр-Сұлтан қаласы Есіл ауданының тауарлар мен қызметтердің сапасы мен қауіпсіздігін бақылау басқармасына жіберу жоспарланып отыр», - делінген хабарламада.

Айта кету керек, бұған дейін түнгі клубтың иесіне карантин режимін бұзғаны үшін алты рет айыппұл салынған болатын.

154 рет

көрсетілді

1

пікір
Алдыңғы мақала Қасым-Жомарт Тоқаев Владимир Зеленскийге көңіл айту жеделхатын жолдады
Келесі мақала Елімізде өткен тәулікте 64 адам коронавирус инфекциясын жұқтырған

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Viagraikj

27 Қыркүйек, 2020

what does viagra do: http://dietkannur.org women viagra