Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 30 Қыркүйек, 2020

Қазақстан Ауғанстанға гуманитарлық көмек көрсетті

Қазақстан Ауғанстанның су тасқынынан зардап шеккен провинцияларына гуманитарлық көмек көрсетті.

ҚР Сыртқы істер министрлігі бүгін Қазақстанның Ауғанстандағы Елшісі Әлімхан Есенгелдиев Қабыл провинциясының тұрғындарына гуманитарлық көмекті тапсыру рәсіміне қатысқанын мәлім етті.

Ұн, макарон өнімдері, күнбағыс майы және қоюлатылған сүттен тұратын азық-түлік 5 мыңнан астам мұқтаж отбасына берілетін болады.

«Іс-шараға қатысқан Қабыл провинциясының губернаторы Мохаммад Якуб Хайдари және АИР Төтенше жағдайлар жөніндегі агенттігінің төрағасы Гулам Бахауддин Жилани Ауғанстан Үкіметі мен халқының атынан қиын кезеңде көрсетілген көмек пен қолдау үшін ризашылықтарын білдірді. Елші өз кезегінде Қазақстанның Ауғанстанға достас қарым-қатынасын атап өтті. Сонымен қатар, еліміз осы күрделі жағдайда өңір елдеріне, соның ішінде Ауғанстанға жан-жақты қолдау көрсетіп отырғанын атап өтті», - делінген ақпаратта. Қазақстанның гуманитарлық көмегі судан зардап шеккен 8 провинцияда таратылды.

Азық-түлік Қабылдан басқа, Балх, Парван, Панджшер, Логар, Вардак, Бағлан және Саманган провинцияларына жеткізілді.

275 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз