Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 30 Қыркүйек, 2020

Асқар Мамин: Өңірлерде дәрілік препараттардың бағасына бақылау жүргізу қажет

ҚР Премьер-Министрі Асқар Маминнің төрағалығымен өткен Үкіметтің селекторлық отырысында еліміздегі эпидемиологиялық жағдай қаралды, - деп хабарлайды primeminister.kz сайты. 

Санитарлық-эпидемиологиялық жағдай және коронавирус инфекциясының таралуына жол бермеу бойынша қабылданып жатқан шаралар туралы ҚР денсаулық сақтау министрі А. Цой, «СҚ-Фармация» басқарма төрағасы Е. Есқалиев, ҚР индустрия және инфрақұрылымдық даму министрі Б. Атамқұлов, ҚР ішкі істер министрі Е. Тұрғымбаев, Премьер-Министрдің орынбасары Р. Скляр және т. б. баяндады. 

Үкімет басшысы еліміздегі санитарлық-эпидемиологиялық ахуал тұрақты екенін атап өтті. Инфекцияның репродуктивтілік көрсеткіші 0,93 құрайды, бұл қабылданып жатқан шаралардың тиімділігін көрсетеді. Сонымен қатар әлемдегі және бірқатар шекаралас елдердегі індеттің тұрақсыздығын ескере отырып, санитарлық талаптарды сақтау шараларын күшейту қажет.

Премьер-Министр мүдделі мемлекеттік органдар мен өңірлердің әкімдіктеріне іс-шаралардың 100% дайындығын қамтамасыз етуді, Денсаулық сақтау министрлігіне биылғы 15 қазанға дейін қажетті техниканы, жабдықтар мен қорғаныш құралдарын сатып алып, өңірлерге жеткізуді тапсырды.  Ішкі істер және денсаулық сақтау министрліктеріне әкімдіктермен бірлесіп, санитарлық талаптардың сақталуын бақылау жөніндегі мониторингтік топтардың жұмысын күшейту, санитарлық режимнің кез келген бұзушылықтарына жол бермеу тапсырылды.

Қазақстан аумағына шетелден келетін адамдарға қатысты санитарлық-карантиндік бақылауды күшейту шаралары Ведомствоаралық комиссияның отырысында қаралады. «Денсаулық сақтау министрлігі “СҚ-Фармация” және әкімдіктермен бірлесіп, медициналық ұйымдар мен дәріханаларда дәрі-дәрмектердің болуын қамтамасыз етсін. Өңірлерде дәрілік препараттардың бағасына бақылау жүргізу қажет», — деді А. Мамин.

 

32 рет

көрсетілді

0

пікір
Алдыңғы мақала Фармацевтика мен медицина өнеркәсібі өркендей ме?
Келесі мақала Нығматулин не дейді?

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *