Тікелей эфир
Тікелей эфир
МАҢЫЗДЫ
  • Құмсағат
  • 30 Қыркүйек, 2020

Юлия Путинцева Ролан Гаррос турнирінің үшінші айналымына шыға алмады

Қазақстандық Юлия Путинцева Ролан Гаррос турнирінің үшінші айналымына шыға алмады.

Әлемнің 27-ракеткасы Ю.Путинцева Парижде өтіп жатқан Франция ашық чемпионатының екінші айналымында рейтингіде 131-орында тұрған аргентиналық Надя Подорошкамен кездесті.

Қазақстандық теннисші биыл 25-ке толса, қарсыласы одан екі жас кіші еді.

Рейтингісі төмен болғанына қарамастан, аргентиналық спортшы бірінші партияда есеп 3:3 болған мезетте брейк жасап кетті. Сосын тағы бір брейкпен бітірді – 6:3.

Есесіне екінші сетте қазақстандық теннисші брейкпен алға шықты – 2:1. Содан кейін тағы екі брейк жасап, 6:1-ге жеткізді.

Шешуші, үшінші партияда Н.Подорошка қатарынан екі брейк жасап, 4:1 есебімен алға кетті. Осыдан кейін ғана Ю.Путинцева брейкпен есепті қысқарта алды. Алайда қайыра брейк жасаған қарсыласы есепті 5:2-ге жеткізді. Ақыры ол екінші матчболын сәтті пайдалана білді – 6:2.

Бәсеке 2 сағат 2 минутқа созылды.

Н.Подорошка үшінші айналымда рейтингіде 161-сатыдағы словакиялық Анна Шмидловамен шеберлік байқасады. Ол әлемнің 14-інші осы доданың 10-ракеткасы, Беларусь өкілі Виктория Азаренконы 6:2, 6:2 есебімен жеңіп кетті.

Бүгін ерлер арасында Александр Бублик италиялық Лоренцо Сонегомен, Михаил Кукушкин испаниялық Педро Мартинеспен ойнайды.

Еске сала кетейік, бұдан бұрын Елена Рыбакина Ролан Гаррос турнирін сәтті бастаған еді. Ал Зарина Дияс қарсыласынан жеңіліп қалды.



56 рет

көрсетілді

0

пікір
Алдыңғы мақала Қазақстанда жылдың үздік хоккейшісі анықталды
Келесі мақала Қазақстанда үздік хоккейші анықталды

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *