⠀
Кейін Барак Мишельден:
- Неге бұл адам сенімен сөйлескісі келді?
Мишель:
- Жасөспірім кезімде маған ғашық болған жігіт еді.
Сол кезде Барак:
- Егер оған тұрмысқа шыққанда, осы әдемі ресторанның иесі болар едің, - дейді.
Барактың бұл сөзіне Мишель салмақты түрде:
- Жоқ. Егер мен оған тұрмысқа шыққанда ол президент болар еді.
⠀
Бірақ Мишель Обаманың «Becoming. Моя история» кітабында бұл тәмсілдің шынайылығын дәлелдейтін факт болмады. Кітапты оқи келе, бұл оймен келіспейтіндей шара қалмаса да, Мишельдің өзі мұны жоққа шығарады.
⠀
Ол тайға таңба басқандай етіп: «Мен Саутсайдтағы кедей отбасынан шыққан қарапайым қара қызбын. Ол барлық қара қыздар сияқты қарапайым, ешкімнен ерекшелігі жоқ. Тек оған дер кезінде керек жерде болу бақыты бұйырды: Саутсайдағы ілгері сыныпқа түсу, Принстонға жеңілдікпен түсу». Мишельдің өміріндегі бұл маңызды сәттер оның мансап жолындағы жеделсаты болды.
⠀
Мишель тұлғаның дамуында ең маңызды, ол – білім дегенді нақтылайды. Баракпен екеуінің қарым-қатынасының өрбуіне, тағдырларының қосылуына білім ғана іргетас болды дейді.
⠀
Екеуінің жұмыла көтерген жүгінің арқасында мүмкін еместі мүмкін қылды...
⠀
Мықты әйелдердің автобиографиясын оқығыңыз келсе бұл кітапты да тізіміңізге қосып қоюға болады.
Жадыра Хасанованың инстаграм парақшасынан.
